आधिकारिक नभएको दाबी
नेपाल उसु महासंघले उसु भोलेन्टर कोचद्वारा आयोजना गरिन लागेको उसु अवार्ड कार्यक्रम आधिकारिक कार्यक्रम नभएको जानकारी गराएको छ ।
महासंघका अध्यक्ष वीरबहादुर तामाङले चैत्र १९ गते बिहीबार जारी गरेको प्रेस विज्ञप्तिमा उक्त कुराको जानकारी गराइएको छ ।
उसु भोलेन्टर कोचको नामबाट गर्न लागेको कार्यक्रमको जानकारी सामाजिक सञ्जालबाट प्राप्त भएको खुलासा गर्दै सोप्रति महासंघको गम्भीर ध्यानकर्षण भएको प्रेस विज्ञप्तिमा जनाएको छ ।
राष्ट्रिय खेलकुद् परिषदको नियमावली तथा नेपाल उसु महासंघको विधान अनुसार उसु भोलेन्टर कोच यस महासंघको आधिकारिक संस्था नभएको जानकारी गराउँदै सम्पूर्ण खेलाडी र खेलप्रेमीलाई भ्रममा नपर्न समेत प्रेस विज्ञप्तिमार्फत अनुरोध गरेको छ ।
साथै नेपालमा कोरोना भित्रिनु अघि महासंघको केद्रीय वैठकले ‘सम्मान तथा अवार्ड’ कार्यक्रम गर्ने निर्णय गरेको बताउँदै हाल त्यसको तयारी भैरहेको र छिट्टै महासंघको आयोजनामा भव्य रूपमा प्रथम उसु अवार्ड तथा सम्मान कार्यक्रम २०७८ हुने समेत जानकारी गराएको छ ।
प्रतिक्रिया