संसदको कार्यव्यवस्था समितिको बैठकले कोरोना भाइरसबाट संक्रमित सांसदहरुलाई पनि मत हाल्न पाउने व्यवस्था गर्ने निर्णय गरेको छ। प्रधानमन्त्रीले सोमबार संसदमा ‘विश्वासको मत’ लिने कार्यक्रमका लागि विशेष अधिवेशन बोलाइएको छ ।

अधिवेशन बस्नुअघि सांसदहरुको पिसिआर परीक्षण गरिएको थियो । सो क्रममा दुई दर्जन सांसदको रिपोर्ट पोजेटिभ आएको छ ।

आइतबार बसेको कार्यव्यवस्था समिति बैठकले संक्रमित सांसदहरुलाई अलग्गै राखेर मत दिन पाउने व्यवस्था गर्नुका साथै सोमबार हुने विशेष अधिवेशन विश्वासको मतको कार्यक्रम सम्पन्न गरी सोमबार नै अन्त्य गर्ने निर्णय पनि गरेको छ।

संसदमा प्रतिनिधित्व गर्ने सबै दलका प्रतिनिधिहरुसहितको कार्यव्यवस्था समिति बैठकले यी दुई निर्णय गरेको हो।