थकान मशसूस भएको भन्दै सोमबार बिहान थापाथलीस्थित नर्भिक अस्पताल भर्ना हुन पुगेका पूर्वप्रधानमन्त्री झलनाथ खनालको वार्डमा राखेर अक्सिजनको सहयोगमा उपचार भइरहेको अस्पतालले जनाएको छ ।

गत नौ दिनदेखिको ज्वरो कम नभएपछि एमाले नेता खनाललाई सोमबार बिहान थापाथलीस्थित नर्भिक अस्पतालको आकस्मिक कक्षमा भर्ना गरिएको थियो ।

अस्पतालका कार्यकारी निर्देशक राजेन्द्रबहादुर सिंहका अनुसार ज्वरो कम नभएसँगै स्वास्थ्यमा थकान महसुस हुने र श्वास फेर्न गाह्रो हुनेजस्ता समस्या देखिएपछि खनाललाई अस्पताल भर्ना गरिएको हो । नेता खनालको रगत जाँच गर्दा हेमोग्लोबिनको कमी देखिएको छ ।

उपचारमा संलग्न चिकित्सकका अनुसार लक्षण हेर्दा पोस्ट कोभिडपछिको समस्या हुन सक्ने अनुमान गरिएको छ ।

यसअघि नेता खनालका स्वकीय सचिव कृष्ण भट्टराईले ‘त्यस्तो कुनै समस्या नभएको र दुई-तीन दिनपछि घर फर्किने’ बताएका थिए ।

^{_{file photo}}