नेपालमा पछिल्लो २४ घण्टामा तीन हजार १०६ जनामा सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयले शनिबार सार्वजनिक गरेको तथ्याङ्कअनुसार १३ हजार ५१९ को परीक्षण गर्दा तीन हजार १०६ सङ्क्रमित थपिएको हो । अब नेपालमा कूल सङ्क्रमित सात लाख ५६ हजार ७३९ जना पुगेको छ ।

मन्त्रालयका अनुसार काठमाडौं उपत्यकामा ७७५ जना सङ्क्रमित भएका छन् । काठमाडौंमा ५१७, भक्तपुरमा ९४ र ललितपुरमा १६४ जना नयाँ सङ्क्रमित पुष्टि भएको हो ।

यस्तै शनिबार एक हजार ९१६ जना पूर्ण स्वास्थ्यलाभ लिई घर फर्किएका छन् । स्वास्थ्यलाभ लिई घर फर्केनेको कूल सङ्ख्या अब ६ लाख ५४ हजार १७७ पुगेका छन् । नेपालमा निको हुने दर ९४.१ प्रतिशत रहेको छ ।

यसैगरी पछिल्लो २४ घण्टामा सङ्क्रमणबाट २३ जनाको निधन भएको छ । यससँगै नेपालमा ९ हजार ८५७ जना पुगेका छन् ।

यस्तै, पाँच सयभन्दा बढी सङ्क्रमित भएका जिल्ला १२ पुगेका छन् । मन्त्रालयका अनुसार ती मोरङ, सुनसरी, झापा, काठमाडौं, भक्तपुर, ललितपुर, चितवन, मकवानपुर, नवलपरासी पूर्व, कास्की, रुपन्देही र सुर्खेत रहेका छन् । यस्तै २०० भन्दा बढी सङ्क्रमित भएका जिल्ला २१ पुगेका छन् ।

यतिबेला आइसीयूमा ७०६, भेन्टिलेटरमा १६६, होम आइसोलेशनमा २८ हजार २५४ र संस्थागत आइसोलेशनमा तीन हजार १०१ जना रहेका मन्त्रालयले जनाएको छ ।