नेकपा (एकीकृत समाजवादी)का अध्यक्ष माधवकुमार नेपाल स्वास्थ्यमा समस्या देखिएपछि महाराजगञ्जस्थित त्रिभुवन विश्वविद्यालय (शिक्षण अस्पताल)मा भर्ना भएका छन् ।

अध्यक्ष नेपाललाई ज्वरो र खोकीको समस्या देखिएको बताइएको छ ।

केही दिन आरामसहित उपचार गर्नुपर्ने भएकाले पूर्वप्रधानमन्त्री समेत रहेका नेता नेपाललाई अस्पताल भर्ना गरिएको उनका स्वकीय सचिव मोहन गौतमले जानकारी दिएका छन् ।

अध्यक्ष नेपालको स्वास्थ्य अवस्था सामान्य रहेको र उनको उपचारमा अस्पतालका वरिष्ठ छाती रोग विशेषज्ञ डा. सन्तकुमार दाससहितको टोली संलग्न रहेको जनाइएको छ । स्वास्थ्य संवेदनशीलताका कारण नेपालसँग अस्पतालमा भेटघाट गर्न बन्द गरिएको बताइएको छ ।

^{_{file photo}}