सरकार विस्तारबारे आइतबार छलफल हुने प्रवक्ता महराको भनाइ

नेकपा (माओवादी केन्द्र)ले सरकारमा पार्टीबाट सहभागी हुने मन्त्रीहरुको विषयमा आइतबार बस्ने स्थायी समितिको बैठकमा आवश्यक छलफल गर्ने भएको छ ।

आजको स्थायी समितिको बैठकमा मन्त्रिपरिषदमा सहभागी हुने सदस्यका बारेमा कुनै छलफल नभएको प्रवक्ता कृष्णबहादुर महराले जानकारी दिए । शनिबारत्यसबारेमा कुनै छलफल नभएको तर आइतबार बस्ने बैठकमा त्यसबारे छलफल हुने उनको भनाइ छ ।

यस्तै, बैठकमा अखिल (क्रान्तिकारी)को नेतृत्वको विषयमा छलफल भएको थियो । क्रान्तिकारीका अध्यक्षका प्रत्यासी धेरै भए पनि उनीहरु सबै आफैँमा योग्य भएकाले उनीहरुको बारेमा छलफल भएको माोवादी केन्द्रले जनाएको छ । प्रवक्ता महराले नेतृत्वका विषयमा छलफल भएको जानकारी दिँद क्रान्तिकारीको अध्यक्षको चयन गर्ने जिम्मा अध्यक्ष प्रचण्डलाई दिएको बताए ।

यस्तै विशेष समितिका रहने सदस्यका बारेमा बैठकमा छलफल भएको थियो । माओवादीको स्थायी समिति बैठक आइतबार पुनः बस्नेछ ।