अब पेट्रोलको प्रतिलिटर १३६, एलपी ग्यासको प्रतिसिलिण्डर १५७५ रुपैयाँ

तिहारअघि मात्र मूल्य वृद्धि गरेको नेपाल आयल निगमले पेट्रोलियम पदार्थको मूल्य पुनः बढाएको छ । बुधबार गरिएको मूल्यवृद्धिअनुसार डिजेल, पेट्रोल र मट्टितेलमा प्रतिलिटर तीन रुपैयाँ बढाइएको छ भने एलपी ग्यासको मूल्य प्रतिसिलिण्डर ७५ रुपैयाँ बढाएर १,५७५ पुऱ्याएको छ।

पछिल्लो मूल्यवृद्धिअनुसार अब पेट्रोल प्रतिलिटर १३६ रुपैयाँ तथा डिजेल र मट्टितेल प्रतिलिटर ११९ रुपैयाँ पुगेको छ भने खाना पकाउने ग्यासको मूल्य दुई साता अवधिबीच १२५ रुपैयाँले बढाएर प्रतिसिलिण्डर १५७५ पुऱ्याइएको छ ।

मूल्यवृद्धि गर्नुपर्ने कारणको रुपमा पहिलेकै भाषामा ुअन्तर्राष्ट्रिय बजारमा पेट्रोलियम पदार्थको मूल्य बढिरहेकाले मूल्य बढाउनु परेकोु तर्क निगमले प्रेस विज्ञप्तिमार्फत पेश गरेको छ ।