नयाँ भेरिएन्ट देखिएपछि जर्मनीमा उच्च सतर्कता

जर्मनीमा बिरामी र वृद्धवृद्धाको हेरचाह गर्न कम्तीमा ३५ हजार स्वास्थ्यकर्मीको अभाव भएको छ । जर्मनीको ‘इन्स्टिच्युट अफ इकोनोमिक्स’को क्षमता केन्द्रबाट प्राप्त तथ्याङ्कलाई उद्धृत गर्दै राष्ट्रिय दैनिक अखबार वेल्टले शनिबार स्वास्थ्य कर्मीको अभाबबारे समाचार छापेको हो । केन्द्रका अनुसन्धाता सुजान सेडाले वेल्टसँग भनेका छन्, “देशको स्वास्थ्य क्षेत्रमा जस्तो कर्मचारीहरूको उच्च कमी अन्य विशेषज्ञ सेवाप्रदायक क्षेत्रमा भने छैन ।”

सन् २०११ देखि यस क्षेत्रमा रिक्त पदमा ४० प्रतिशतवृद्धि गरिएको भएपनि अझै कर्मचारीको अभाव देखिएको सरकारी अधिकारीले बताएका छन् ।

अधिकारीहरूका अनुसार अहिले कर्मचारीहरूको अभावको वास्तविक परिमाण ३५ हजार भन्दा बढी हुन सक्छ । केन्द्रको अनुमानले तल्लो सीमालाई मात्र प्रतिबिम्बित गरेको हुनसक्ने विश्लेषकहरूले बताएका छन् ।

उक्त पत्रिकाले बताएअनुसार चिकित्सा स्वास्थ्यकर्मीहरूको अभाव सरकारले व्यवस्था गरेको कम तलबका कारण भएको हो ।

यसैबीच दक्षिण अफ्रिकाबाट फर्किएका एक व्यक्तिमा नयाँ कोभिड–१९ भेरिएन्टको शंकास्पद घटना पत्ता लागेको एक जर्मनी क्षेत्रीय अधिकारीले शनिबार बताएका छन् ।

दक्षिण अफ्रिकामा पहिलो पटक पत्ता लागेको तनावलाई संकेत गर्दै पश्चिमी राज्य हेस्सीका सामाजिक मामिलामन्त्री काइ क्रोजले ट्वीटमा लेखेका छन्, ‘नयाँ सङ्क्रमितमा ओमिक्रोन भेरिएन्टको बलियो सम्भावना रहेको छ ।’ दक्षिण अफ्रिकाबाट जर्मनी फर्केका यात्रुको शुक्रबारको अन्ततिर गरिएको परीक्षणले ‘ओमिक्रोन‘का थुप्रै ‘म्युटेसन’हरू सङ्केत गरेको कुरा क्रोजले बताएका छन् ।

‘नयाँ भेरिएन्टको प्रबल शङ्कापछि कोभिड–१९ सङ्क्रमित उक्त व्यक्तिलाई उनकै घरम एक्लै बस्न लगाइएको छ । यसबारे थप अनुसन्धान हुन बाँकी नै छ ।’

सङ्क्रमित उक्त व्यक्ति जर्मनीको सबैभन्दा व्यस्त फ्र्याङ्कफर्ट अन्तर्राष्ट्रिय विमानस्थल हुँदै ईयुको सबैभन्दा बढी जनसंख्या भएको देश (जर्मनी)मा आइपुगेको मन्त्रालयले जानकारी गराएको छ ।

बेल्जियमले कोभिडको खोप नलगाएका एक व्यक्ति कानूनविपरीत शुक्रबार विदेशबाट फर्किएका र उनमा नयाँ कोभिड–१९ भेरिएन्ट भेटिएको बताएको एकदिनपछि जर्मनीमा कोभिडको नयाँ भेरिएन्ट सङ्क्रमित फेला परेको बताइएको हो । बेल्जियमले युरोपमा यो नयाँ भेरिएन्ट सङ्क्रमितको पहिलो घटना भएको बताएको छ ।

बेल्जियमका एक चर्चित ‘भाइरलोजिस्ट’ मार्क भान रान्स्टले ट्वीट गर्दै उक्त व्यक्ति नोभेम्बर ११ मा इजिप्टबाट फर्किएको उल्लेख गरेका थिए ।

विश्व स्वास्थ्य संगठनले शुक्रबार हालै पत्ता लागेको ओमाइक्रोन नाम दिइएको बी.१.१.५२९ प्रकारको कोभिड–१९ लाई चिन्ताको विषय घोषणा गरेको छ । यूरोपेली संघका स्वास्थ्य अधिकारीहरूले यस नयाँ तनावले महाद्वीपको लागि ‘अझ धेरै जोखिम’ उत्पन्न गरेको बताएका एएपपीले जनाएको छ।