एसियन युथ पारा गेम्स २०२१ मा नेपालको तर्फबाट सहभागिता जनाएकी तेक्वान्दोकी पाराओलम्पियन पलेशा गोवर्धनले उद्घाटन समारोहमा राष्ट्रिय झण्डा बोक्ने भएकी छन् । प्रतियागिता मंसिर १६ बिहीबारदेखि बहराइनमा सञ्चालन हुँदैछ ।

प्रतियोगिताको उद्घाटन बहराइनको आइएसओ टाउनस्थित ओलम्पिक रङ्गशालामा हुनेछ । उद्घाटन समारोहमा पलेशाका साथ ब्याडमिन्टनका प्रकाश अधिकारी रहनेछन्् ।

एसियन पारा अलम्पिक कमिटी र बहराइन सरकारको आयोजनामा सञ्चालन हुने उक्त प्रतियोगितामा नेपाललगायत ४४ राष्ट्रको सहभागिता रहने छ । जस्मा १ हजार जना खेलाडीले प्रतिस्पर्धा गर्नेछन् ।

प्रतियोगितामा नेपालको तर्फबाट तेक्वान्दोका तीन खेलाडीहरू पलेसा गोवर्धन, सृजना घिसिङ र विशाल गर्बुजाको सहभागिता रहको छ भने ब्याडमिन्टनतर्फ प्रकाश अधिकारीले प्रतिस्पर्धा गर्नेछन् ।

टुगेदर राइजिङ स्ट्रङ्गर नाराका साथ एशियन युथ पारा गेम्स २०२१ सञ्चालन हुँदैछ ।