नेपाली कांग्रेसको १४औँ महाधिवेशनमा गत मङ्सिर २७ गते भएको निर्वाचनअन्तर्गत केन्द्रीय सदस्य (महिला खुला) नौ सिटको मतपरिणाम सार्वजनिक भएको छ ।
मतपरिणामअनुसार डा. डिला सङ्ग्रौला पन्तलाई २,८८५, पुष्पा भुसाललाई २,७१८, डा. आरजु राणा देउवालाई २,५३६, अम्बिका बस्नेतलाई २,३३९, ईश्वरी न्यौपानेलाई २,२५९ मत प्राप्त भएको कांग्रेस केन्द्रीय निर्वाचन समितिले जनाएको छ ।
यसैगरी, सरिता प्रसाईं २,०९६, रमा कोइराला पौडेल १,८५८, शुसीला ढकाल आचार्य १,८०४ तथा रङ्गमती शाही १,७८९ मत प्राप्त गरी निर्वाचित भएका छन् । पार्टीको विधानअनुसार केन्द्रीय सदस्य (महिला खुला) नौ सिटका लागि भएको निर्वाचनमा ३० जनाले उम्मेदवारी दिएका थिए ।
महाधिवेशनमा भएको पदाधिकारी र खुला सदस्यलगायतको निर्वाचनको मतपरिणाम यस अघि नै सार्वजनिक भइसकेको छ भने बाँकी मतदानको परिणाम आउने क्रम जारी छ ।
प्रतिक्रिया