नेपालमा विमा क्षेत्रको अग्रणी संस्था नेशनल लाइफ इन्स्योरेन्स कम्पनीको ललितपुर शाखाले बिजनेसका विभिन्न विधामा लक्ष्य हासिल गर्ने सफल अभिकर्ताहरूलाई सम्मान गरेको छ ।

विजनेश लिडर्स मिट नाम दिइएको उक्त सम्मान कार्यक्रममा विभिन्न विधामा सफलता हासिल गर्नेहरुलाई सम्मानका साथ उपहार प्रदान गरिएको थियो ।

नेशनल लाइफ इन्सुरेन्स कम्पनी ललितपुर शाखाका प्रमुख घनश्याम रिमालको अध्यक्षतामा सम्पन्न सम्मान कार्यक्रममा शाखाका बजार प्रमुख सविन सिवाकोटीले कम्पनीको आगामी योजनाहरू प्रस्तुत गर्दै सुतेर लक्ष्य हासिल हुन नसक्ने र यसका लागि अनवरत रुपमा मिहनत आवश्यक रहेको बताए । उनले बिमा एक व्यवसाय मात्र नभइ सेवा पनि भएको जिकिर गरे ।

त्यस्तै ललितपुर शाखा प्रमुख घनश्याम रिमालले आफ्ना शाखाका सहयोगी हातहरूको निरन्तर मिहेनत र अथक प्रयासले अन्य शाखाको तुलनामा ललितपुर शाखालाई अग्रणी स्थानमा पुऱ्याउन सहयोग गर्नुहुने सबै अभिकर्ताप्रति आभार एवं धन्यवाद व्यक्त गरे ।

शाखाप्रमुख रिमालले विमा व्यवसायलाई व्यापक रुपमा अगाडि बढाउन सके यसको प्रभाव अझ बढ्ने र यसका लागि अभिकर्ताहरू चनाखो र प्रतिबद्ध हुनुपर्ने बताए । उनले विमा व्यवसायले लाखौँ अभिकर्ताहरूको सीप विकास गरेर समाजमा स्थापित गराउन समेत मद्दत पुऱ्याएको जानकारी दिए ।

कार्यक्रममा चेयरपर्सन क्लबको लक्ष्य हासिल गर्नुहुने एलिसा राना (क्रान्ति), घनश्याम सिवाकोटी, खिमाकुमारी शर्मा, हिरामाया श्रेष्ठ, इन्दिरा सापकोटा सुवेदी र बुद्धिप्रसाद गौतमलगायत २२ जनालाई सम्मान गरिएको थियो ।

त्यसैगरी ‘पारस खड्कासँग चन्द्रागिरी’ योजनाअन्तर्गत लक्ष्य प्राप्त गर्नु हुने बुद्धिप्रसाद गौतम, परिश्वर खनाल र सुष्मा प्रधानलाई सम्मान गरिएको थियो ।

विशेष रुपमा चेयर पर्सन क्लबमा आमन्त्रित शोभा न्यौपाने, जुगल शर्मा र सन्तोष मल्ललाई पनि सम्मानित गरिएको थियो भने तोकिएको समयभन्दा छिटै एमडिआरटि योग्यता पुऱ्याउने सफल हिरामाया श्रेष्ठ र बुद्धि गौतमलाई पनि सम्मान गरिएको थियो ।

आर्थिक वर्ष २०७८/०७९ मा सबै भन्दा बढी पोलिसी संकलन गर्नेहरूमा प्रथम हुने पवित्रा ढुंगाना, द्वित्तिय स्थान हासिल गर्ने कृष्णप्रसाद महर्जन र तृतिय भएकी स्वरुपा सुवाल अनि समीक्षा अवधिमा सर्वोत्कृष्ट हुने बुद्धिप्रसाद गौतमलाई पनि शाखाद्वारा सम्मान गरिएको थियो ।

गत आर्थिक वर्षमा संजाल व्यापारतर्फ प्रथम हुने ठाकुरप्रसाद घिमिरे, दोस्रो हुने सुष्मा प्रधान र तेस्रो हुने लक्ष्मीदेवी श्रेष्ठलाई पनि सम्मान गरिएको थियो ।

त्यस्तै गत आर्थिक वर्षमा व्यक्तिगततर्फ प्रथम पवित्रा ढुंगाना, द्वित्तीय हिरामाया श्रेष्ठ र तृतीय खिमा कुमारी शर्मालाई पनि सम्मान गरियो ।

यसै आर्थिक वर्षको भाद्र र आश्विनको स्किममा अग्रीम रुपमा ‘गोवा प्याकेज’ प्राप्त गर्न सफल हुने रोशन सिवाकोटी र महेश तुलाधरलाई पनि शाखाले सम्मान गरेको छ । उक्त कार्यक्रममा भैंसेपाटी शाखाका शाखाप्रमुख कृष्ण महर्जनको पनि उपस्थिति रहेको थियो ।