होम बचत तथा ऋण सहकारी संस्था लि. ललितपुर (पाटन) को १४औं वार्षिक साधारणसभा शुक्रबार सम्पन्न भएको छ ।

सो साधारण सभामा सहकारी संस्थाका उत्कृष्ट दुई जना कर्मचारीलाई पुरस्कृत गरिएको थियो । यस्तै नियमित बचत कर्ता तर्फबाट १ जना, मुद्दती बचतकर्ता १ जना, असल ऋणी ३ जना र गोरखापत्रका सहसम्पादक एवं वरिष्ठ पत्रकार शरदराज सुवेदी, संस्थाका कानुनी सल्लाहकार बरिष्ठ अधिवक्ता रमिला शाक्यलाई पनि सहकारी संस्थाका अध्यक्ष मुकुन्द महर्जनले सम्मान गर्नु भएको थियो ।

संस्थाका अध्यक्ष मुकुन्द महर्जनको सभापतित्वमा सम्पन्न उक्त साधारण सभामा संस्थाका सचिव सोमनाथ थापाले सचिवको प्रतिवेदन प्रस्तुत गर्दै संस्थाको गतिविधिबारे प्रकाश पार्नु भएको थियो ।