रुसको आक्रमणको सामना गर्दा युक्रेनले देखाएको प्रतिरोधको लागि राष्ट्रपति भोलोदिमिर जेलेन्स्कीलाई टाइम पत्रिकाले सन् २०२२ को वर्ष व्यक्ति घोषित गरेको छ ।
जारी युद्धको बीचमा आफ्नो देशलाई एकजुट गर्ने जेलेन्स्कीको निर्णयलाई ‘भाग्यपूर्ण’ भन्दै टाइमका प्रमुख सम्पादक एडवर्ड फेलसेन्थलले यस वर्षको निर्णय ‘स्मरणमा सबैभन्दा स्पष्ट’ भएको तर्क दिएका छन् ।
रुसले २४ फेब्रुवरीमा हमला गरेदेखि जेलेन्स्कीले युक्रेनीहरूले मात्र नभइ विश्वभरका नागरिक र सरकारहरूद्वारा पनि दैनिक सम्बोधन गर्दै आएका छन् ।
उनी अग्रपंक्तिमा देखापरेका छन् र भर्खरै युक्रेनले रूसलाई महत्वपूर्ण दक्षिणी शहरबाट धकेल्दा खेरसनको सडकमा उत्सव मनाएका छन् ।
‘उनको सूचनाको आक्रामकताले भूराजनीतिक मौसम प्रणालीलाई परिवर्तन गर्यो, जसले कार्यको लहर तय गर्दै विश्वलाई नै कम्पन गर्यो’, फेलसेन्थलले विजेताको घोषणामा लेखे ।
टाइमले पहिलो पटक सन् १९२७ मा वर्ष व्यक्तिको अवार्ड प्रदान गरेको थियो । टाइमको वार्षिक अवार्ड अन्तिम पटक २०२१ मा अर्बपति तथा ट्वीटरका मालिक एलोन मस्कलाई दिइएको थियो ।
प्रतिक्रिया