कोभिड केसहरू बढ्दै गएपछि चीनको सबैभन्दा ठूलो सहर सांघाईले आफ्ना अधिकांश विद्यालयहरूलाई अनलाइन कक्षाहरू लिन आदेश दिएको छ । सांघाईको शिक्षा ब्युरोले सोमबारदेखि नर्सरी र बाल हेरचाह केन्द्रहरू पनि बन्द हुने जनाएको छ ।

शून्य–कोभिड रणनीतिप्रति चौतर्फी आक्रोश बढेपछि सरकारले यसै महिनाको सुरुमा प्रतिबन्ध खुकुल्याएको थियो । प्रतिबन्ध खुकुलो बनाएसँगै कोभिड संक्रमणका घटनाहरु दिनहुँ बढिरहेका छन् ।

प्रतिबन्ध हटाएपछि पहिलो पटक मृत्युको रिपोर्ट समेत आएको छ । शनिबार कोभिडका कारण दुई पूर्वपत्रकारको मृत्यु भएको सार्वजनिक भएको थियो ।

पिपुल्स डेलीका पूर्वरिपोर्टर याङ लिआङ्हुआ र चाइना युथ डेलीका पूर्वसम्पादक झोउ झिचुनको कोभिडका कारण मृत्यु भएको वित्तीय पत्रिका काइक्सिनले जनाएको छ ।