विश्व फुटबलका लेजेन्ड पेलेको ८२ वर्षको उमेरमा बिहीबार राति ब्राजिलको आओ पाउलोमा निधन भएको छ।
अल्बर्ट आइन्सटाइन अस्पतालले पेलेको निधन भएको पुष्टि गरेको हो । पेले किड्नी र प्रोटेस्टको समस्यासँग केही वर्षयता जुधिरहेका थिए ।
पेलेकी छोरी केलि नासिमेन्तोले पनि सामाजिक सञ्जालमार्फत आफ्नो बुबाको निधन भएको जनाएकी छन् ।
विश्वमा सर्वाधिक गोलकर्ताको कीर्तिमान बनाएका पेलेले विश्वकप फुटबलको उपाधि तीनपटक जितेका थिए । सन् १९५८, १९६२ र १९७० को विश्वकप उपाधी उनले ब्राजिललाई जिताएका थिए ।
उनले आफ्नो २१ वर्षे फुटबल करिअरमा १३६३ खेलमा कीर्तिमानी १२८१ गोल गरेका छन् । उनले आफ्नो देशका लागि ९२ खेलमा ७७ गोल गरेका छन् ।
उनी ब्राजिलको मिनास गेराइसमा सन् १९४० अक्टोबर २३ मा जन्मिएका थिए ।
प्रतिक्रिया