अनन्तश्री राजगुरु जगतगुरु वीरेन्द्र परम्हंश ज्योतिषाचार्य
आजको पञ्चाङ्ग
श्रीशाके १९४४ शिशिर ऋतु नलनामक संवत्सर नेपाल सं. ११४३ वि.सं. २०७९ फाल्गुण ५ गते शुक्रबार तद्अनुसार सन् २०२३ फरवरी १७ तारिख फाल्गुन कृष्ण पक्षको द्वादशी तिथि पूर्वाषाढ़ा नक्षत्र सिद्ध योग कौलव करण आनन्दादिमा प्रवर्द्ध योग चन्द्रमा धनु राशिमा भ्रमणशील रहला । काठमाडौंमा सूर्योदय बिहान ६ः४२ मा र सूर्यास्त साँझ १७ः५५ बजे हुनेछ ।
आजको राशिफल
मेष – भाग्यबल बढ्नेछ । बौद्धिक क्षेत्रमा राम्रो उपलब्धि प्राप्त हुने समय छ। बोलीको भरमा काम सम्पादन हुन सक्छ । बेरोजगार हुनुहुन्छ भने आजको प्रयत्नले रोजगारीको अवसर मिल्न सक्छ । बेसुरमा अरूलाई दिएको वचनले अप्ठ्यारोमा पार्न सक्छ, सावधान रहनुहोला । व्यापारमा सोचेको फाइदा नउठ्ने देखिन्छ । नयाँ काममा हात हाल्न केही समय पर्खनुहोला । विकासको नयाँ सम्भावना देखापर्ने छ । शत्रुमाथि विजय प्राप्त हुनेछ ।
वृष – जोखिन बढ्ने समय भए पनि आज तपाईंले गरेका कामबाट अरुलाई फाइदा पुग्नेछ । सहयोगीहरूले काममा साथ दिनेछन् भने व्यक्तित्व निखार्दै नयाँ काम गर्ने अवसर प्राप्त हुनेछ । व्यापारमा राम्रै फाइदा हुनेछ भने आँटेका काम तत्काल सम्पादन हुनेछन् । पछिसम्म लाभ हुने काममा लगानी गर्ने अवसर प्राप्त हुनेछ । सन्तानसुख मिल्नेछ । रसरागमा आकर्षित हुनुहुनेछ ।
मिथुन – परिवारिक सुख वृद्धि हुने भए पनि आज आरोग्यताका बारेमा सचेत र सावधान रहनु हितकर हुनेछ । कार्यक्षमता वृद्धि होला । कमजोरी सुधार्दै फाइदा उठाउने समय छ । अनावश्यक भ्रमण हुन सक्छ । उपचारमा खर्च हुने योग छ । मेहनत गर्दा राम्रै प्रतिफल प्राप्त हुने योग छ । सहयोगीहरूले काममा उत्साह जगाउनेछन् । बौद्धिक र रचनात्मक काममा सफलता मिल्नेछ । प्रयासरत काम बन्नेछ ।
कर्कट – आजको दिन संघर्षमय रहला । धेरै प्रयत्न गर्दा पनि त्यसअनुसारको उपलब्धि उठाउन मुस्किल पर्नेछ। परिवारजनबाट टाढिनुपर्ने र आफ्नै कमजोरीले विवादमा परिने योग छ । सहयोगको आशा देखाउनेहरूले धोका दिन सक्छन, सचेत रहनुहोस् । व्यावसायिक काममा खर्च बढ्नेछ । स्वास्थ्यगत समस्याले पनि सताउन सक्छ । यात्रामा भने सफलता प्राप्त हुनेछ ।
सिंह – आजको दिन मि?ित फलदायी रहला । मित्रजनको जमघटका बीच स्वादिष्ट भोजनको आनन्द मिल्नेछ भने पहिलेको सफलताले थप हौसला जगाउन सक्छ । तथापि, पढाइलेखाइमा कमजोरी र लेनदेनमा विवाद होला । विगतका समस्या बल्झिन पनि सक्छन् । घरेलु समस्या देखापर्न सक्छ । शत्रुमाथि विजय प्राप्त हुनेछ । आरोग्य बढ्नेछ ।
कन्या – आर्थिक क्रियाकलापमा सहभागिता जनाउने समय छ । गरिएका कामको राम्रै मूल्यांकन हुनेछ भने भौतिक साधनसमेत जुट्नेछ । कामको सन्दर्भमा विशिष्ट व्यक्तित्वहरूसँग मित्रता बढ्ला । कला, साहित्य, मनोरञ्जन आदि क्षेत्रमा रुचि बढ्नेछ । दौडधुप वृद्धि हुनेछ । मिठो भोजन प्राप्त हुनेछ । रसरागमा आकर्षणका साथै सुख बढ्ला ।
तुला – पराक्रम वृद्धि हुने दिन छ । आज मनमा डर लागे पनि विभिन्न अवसरले पछ्याउनेछन्। मेहनत गर्दा प्रशस्त धन आर्जन हुने समय छ । रमाइलो यात्रा गर्ने अवसर जुट्ला । कामको चापबाट फुर्सद पाइनेछ। सुखदुःखमा साथ दिनेहरू प्रशस्तै भेटिनेछन् । मान सम्मान बढ्ला । बोली र व्यक्तित्वको प्रभाव बलियो बन्नेछ ।
वृश्चिक – आज धनका साथै आरोग्यता वृद्धि हुनेछ । शुभता बढ्ला । दिगो योजना प्रारम्भ हुन सक्छ। साझेदारीमा फाइदा हुनेछ । आम्दानी तथा आयआर्जनका स्रोत फेला पर्ने योग छ । अरूका काममा समय बित्न सक्छ । उपलब्धि प्राप्त गर्न विशेष मिहिनेत गर्नुपर्नेछ । काम पूरा नहुनाले मन खिन्न रहन पनि सक्छ । शत्रुमाथि विजय प्राप्त हुनेछ ।
धनु – आरोग्यता बढ्नेछ भने रोकिएको काम बन्नेछ । अवसरको खोजीमा केही दौडधुप गर्नुपर्ला । मौकाको फाइदा उठाउन कठिन नै पर्ने देखिन्छ । सवारीसाधन चलाउँदा सावधानी अपनाउनुहोला । दीर्घकालीन रूपमा फाइदा हुने काममा हात हाल्ने समय छ । तार्किक क्षमता बढ्नेछ । साझेदारीको काम बन्नेछ । रोकिएको काम बन्नुको साथै लगानी उठाउन चाहेमा सफल रहनु हुनेछ । सुख समृद्धि बढ्नेछ ।
मकर – आजको दिन राम्रै छ । आरोग्य बढ्नेछ । नयाँ कामको प्रस्ताव आउनेछ भने सहयोगीहरू प्रशस्तै भेटिनेछन् । धन आर्जन हुनेछ। व्यवसायमा लाग्नेहरूलाई विशेष फाइदा होला । रुचिका विषयमा लगानी बढाउने समय छ । व्यापारलगायत आर्थिक लाभ हुने काममा राम्रै फाइदा हुनेछ । रसराग एवम् प्रेमका कर्ममा सफलता मिल्नेछ । यश वर्चश्व बढ्ला ।
कुम्भ – शुभता बढ्नेछ । नयाँ काम सुरु गर्ने समय छ । उद्योग र व्यापारमा विशेष फाइदा होला । परिवारजनको साथले काममा उत्साह जगाउनेछ । प्रेम र मित्रताको बन्धन कसिनेछ भने दाम्पत्य सुखमय बन्नेछ । श्रद्धा र परोपकारमा मन जानेछ । स्वास्थ्यमा भने कमजोरी अनुभव हुनेछ । प्रयासरत काम बन्नेछ । देखापरेको समस्याको समाधान मिल्नेछ । बोली र व्यक्तित्वको प्रभाव बढ्ला ।
मीन – कार्यबल बढ्ने दिन भए पनि स्वास्थ्यसम्बन्धी समस्याले सताउन सक्छ । दैनिकीमा परिवर्तन आउनेछ । अस्वस्थताले काममा ढिलासुस्ती हुन सक्छ । अस्वस्थताका बाबजुद कामको दायित्व बढ्नेछ । सानातिना काममा महत्वपूर्ण समय बित्न सक्छ । अस्वस्थताले चिन्ता र काममा ढिलासुस्ती हुन सक्छ । रसरागमा आकर्षण बढ्नेछ । समस्याको समाधान प्राप्त हुनेछ ।
प्रतिक्रिया