वैदेशिक रोजगारीको लागि अष्ट्रेलिया पठाइदिने प्रलोभन दिएर ३० लाख रकम ठगी गरेको अभियोगमा युवती पक्राउ परेकी छन् । अमृता गुरुङलाई अष्ट्रेलियामा महिनाको तीन लाख तलबको रोजगारी मिलाइदिने भन्दै रकम ठगी गर्ने २५ वर्षीया सयना श्रेष्ठलाई प्रहरीले नियन्त्रणमा लिएको हो ।

धरान–१३ स्थायी घर भइ हाल काठमाडौंको लाजिम्पाट बस्दै आएकी सयना पीडित महिलाबाट पटक-पटक गरी ३० लाख रकम हत्याएपछि सम्पर्कविहीन भएकी थिइन् । त्यसपछि पीडितले वैदेशिक रोजगार विभागमा उजुरी गरेकी थिइन् । विभागकै आग्रहमा प्रहरीले खोजतलास गरेर सयनालाई नियन्त्रणमा लिइ आवश्यक कारवाहीका लागि वैदेशिक रोजगार विभागको जिम्मा लगाएको छ ।