बिशेष प्रतिनिधि, जेनेभा

गत सनिबार गैर आबासीय नेपाली संघ राष्ट्रिय समुन्वय परिषद स्विजरल्याण्डले बर्ष २०२३ -२०२५ को लागी नया कार्यसमिति निर्बिरोध निर्बाचित गरेको छ। युरोप क्षेत्रका क्षेत्रिय संयोजक चिन्ता मणि सापकोटाको प्रतक्ष उपस्थितिमा आयोजना गरिएको साधारण सभा र निर्बाचन कार्यक्रमको प्रमुख अतिथि स्विजरल्याण्ड स्थित नेपाली मिसनका मिसन उप-प्रमुख उत्तम कुमार शाही रहेका थिए।

गैरआबासीय नेपाली संघ केन्द्रको परिपत्र अनुरुप शुभा एल्मार लामा नेतृत्वको समितिले तिन सदस्यीय निर्बाचन समिति बनाएर आफ्नो काम गरिरहेको भएता पनी विश्वभर संघको एकताको संदेश दिने उदेश्यले यहाँ सहमतिको कार्यसमिति बनाउन पहल गरिएको निर्बाचन समितिका सह संयोजक गुणराज शर्माले बताउनुभयो ।

कृष्ण प्रसाद शिवाकोटी नेतृत्वको नब निर्बाचित कार्यसमितिमा जिबन भट्टराई र राकेश चन्द्र प्रजापति उपादक्ष्यमा निर्बाचित हुनुभएको छ भने महासचिबमा याम कुन्चा मगर निर्बाचित हुनुभएको छ। गैर आबासीय नेपाली संघ स्विजरल्याण्ड को २०२१ -२०२३ को सफल अध्यक्ष को रुपमा आफ्नो कार्यसम्पादन गर्नुभएको शुभा एल्मार लामा गैर आबासीय नेपाली संघको केन्द्रिय परिषद सदस्य ( आइसीसी ) निर्बाचित हुनुभएको छ।

निर्बाचित पदाधिकारी हरुले गत सनिबार नै पद तथा गोपनियताको सफत ग्रहण गरिसक्नुभएको छ।