तपाई हामी जुनसुकै कार्य गर्दा पनि पहिले त्यसको शुभफल या त अशुभफलका बारेमा जान्न उत्सुक हुन्छौँ । कुनै पनि कार्य गर्नुअघि वार र राशी मिलाएर सोहीअनुसार काम गर्दा तपाई हामीलाई लाभ फल मिल्ने गर्दछ। हिन्दु धर्मशास्त्रका विभिन्न धर्म ग्रन्थ र वास्तुशास्त्रले कुनै कामको शुभ फल या लाभका लागि केही प्रावधान तय गरेको छ । जसअनुसार तपाईको खानपान, हिडडूल, कामको शुरुवात लगायतका विषय रहेका छन् ।
बार र समय :
आइतबारः आइतबार राज्याभिषेक गर्ने , गीत, वाध्य, पलाकिमा बस्ने, राजसेवा, गाइगोरु, किन-बेच गर्ने , हवन गर्ने, मन्त्र-उपदेश गर्ने, औसधि निर्माण गर्ने, शास्त्र ,सुन, तामा, उनि, बस्त्र आदि किनबेच गर्ने रातो बस्तुको कारोबार उपयुक्त हुन्छ।
सोमबारः यज्ञ गर्नु गराउनु, गाइ, भैसी, घोडा, फूल, घास, वृक्ष्य, मोति, चादी आदिको किनबेच गर्नु, स्त्रीको संगत गर्नु उपयुक्त हुन्छ।
मंगलबारः यसबारमा संग्राम, कपट, दम्भ, सैन्य राख्नु , सुबर्ण ,धातु, मुगा ,रक्तास्राब कार्य गर्नु शुभ मानिन्छ।
वुधबारः यस बारमा चातुर्य , दक्षता , पुण्य आर्जन , अध्ययन गर्नु , शास्त्रसेवा गर्नु , शास्त्र चिन्तन गर्नु , चित्र लेखन गर्नु, वास्तु कला, नोकरी गर्नु , बादबिबाद गर्नु शुभ मानिन्छ।
विहीवारः धार्मिक कार्य गर्नु , नवग्रह पुजन गर्नु , यज्ञ गर्नु , अध्ययन गर्नु , मन्त्र जप तप गर्नु , नया कामको अध्ययन गर्नु , वस्त्र धारण गर्नु , यात्रा आरम्भ गर्नु जस्ता कार्य शुभ मानिन्छ।
शुक्रबारः यसबारमा गायन ,मणि , रत्न , हिरा , सुगन्ध , बस्त्र , उत्साह , अलंकार , बाणिज्य , व्यापार , गाइ-बस्तु किनबेच गर्नु , द्रव्य भण्डारण गर्नु र संचय गर्नु तथा कृषि कार्य शुभ मानिन्छ।
शनिबारः यसबारमा गृह-प्रवेश , स्थिर कार्य, नोकरी गर्नु, कलकारखाना खोल्नु , फलाम , तरवार आदिको कार्य गर्नु शुभ मानिन्छ।
प्रतिक्रिया