केही अनलाइन सञ्चारमाध्यममा बैंकका अध्यक्षको तस्बिरसमेत प्रयोग गरी बैंकबाट प्रवाह भएको कर्जाका बारेमा भ्रामक समाचार फैलाइएको भन्दै सानिमा बैंकले आफ्नो गम्भीर ध्यानाकर्षण भएको जनाएको छ ।
बैंकले एक सार्वजनिक विज्ञप्तिमार्फत उक्त समाचार गलत, अनर्गल र तथ्यहीन भएको जिकिर गर्दै बैंकका शेयरधनी, ग्राहकवर्ग, नियामक निकाय तथा सर्वसाधारणलाई भ्रममा नपर्न आग्रह गरेको छ ।
‘सानिमा बैंकले सदैव नियामक निकायबाट जारी निर्देशनहरूको पालना गर्दै आएको, सार्थ संस्थागत सुशासन कायम गरी पारदर्शिताका साथ बैंकिङ व्यवसाय गर्दै आएको छ’- विज्ञप्तिमा भनिएको छ ।
यस खालका तथ्यहीन एवम् भ्रामक समाचार प्रचारप्रसार नगर्न चेतावनी दिँदै भ्रामक गतिविधिविरुद्ध कानुनी कारवाहीको प्रक्रिया अघि बढाउन बैंक बाध्य हुने जनाइएको छ ।
प्रतिक्रिया