राजसंस्थावादी संगठन वीर गोर्खालीले संस्कृति, पर्यटन तथा नागरिक उडड्यनमन्त्री सुदन किराँतीको राजीनामा माग्दै बुटवलको चौराहामा प्रदर्शन गरेका छन् ।
मन्त्री किरातीको पुत्लादहन र रांके जुलुस निकाल्ने तयारीसहित चौराहामा जम्मा भएका उनीहरु प्रहरी तैनाथीका कारण प्रदर्शन मात्रै गर्न बाध्य भएका थिए ।
प्रदर्शनपछि आयोजित कोणसभामा बोल्दै वीर गोर्खालीका अगुवा विक्रम पाण्डेले ९४ प्रतिशत ओमकार परिवार र सनातन धर्मालम्बीहरुको आस्था र विश्वासमाथि मन्त्री किराँतीले प्रहार र अपमान गरेको र आपत्तिजनक, अमर्यादित र गैरजिम्मेवारपूर्ण अभिव्यक्ति दिएको भन्दै तत्काल राजीनामा दिनुपर्ने माग गरे ।
राजीनामा नदिएमा प्रधानमन्त्रीले तुरुन्तै बर्खास्त गर्नु पर्ने उनको भनाइ छ ।
संस्कृति मन्त्री किराँतीले क्रिश्चियन धर्म नमान्नेहरु देशद्रोही र संविधान विरोधी भएको त्यस्तालाई जेलमा कोच्नुपर्ने अत्यन्त विवादास्पद अभिव्यक्ति दिएका थिए । मन्त्री किरातीले तत्काल राजिनामा नदिए यो विषय विकराल हुनसक्ने चेतावनी दिँदै पाण्डेले तत्काल राजीनामा नदिए आन्दोलनले चर्को रुप लिने चेतावनी दिए ।
प्रतिक्रिया