इपीएस परीक्षाको विषयलाई लिएर ललितपुरको बालकुमारीमा भएको प्रदर्शनमा प्रहरीले हवाइ फायर गर्दा एक प्रदर्शनकारीको मृत्यु भएको छ । मृत्यु हुनेमा २३ वर्षीय सुजन राउत रहेको प्रहरीले जनाएको छ ।

जुम्ला स्थायी घर भइ भक्तपुर बस्दै आएका उनी प्रदर्शनका क्रममा घाइते भएपछि अस्पताल लगिएको थियो । अचेत अवस्थामा किस्ट अस्पताल पुर्याइएका राउतलाई केही बेरमै मृत घोषणा गरिएको हो ।

राउतसँगै घाइते भएका अर्का एक युवको गम्भीर अवस्थामा पाटन अस्पतालमा उपचार भइरहेको छ । प्रदर्शनमा उत्रिएका युवाले सडक अवरुद्ध पार्दै सवारीसाधनमा आगजानी गरेपछि प्रहरी प्रतिरोधमा उत्रिएको थियो । स्थिति नियन्त्रणमा लिन प्रहरीले शुरुमा अश्रुग्याँस प्रयोग गरेपछि काबुबाहिर गएपछि हवाइ फाएर गरेको थियो ।