अध्यादेश फिर्ता नभए सरकारलाई दिएको समर्थन फिर्ता लिने चेतावनी

नेकपा (एमाले) कोशी प्रदेश संसदीय दलले हालै जारी अध्यादेश फिर्ता लिन सरकारसँग आग्रह गरेको छ ।

संसदीय दलद्वारा सोमबार मोरङमा आयोजित पत्रकार सम्मेलनमा दलका प्रमुख सचेतक रेवतीरमण भण्डारीले अध्यादेश फिर्ता नलिए सरकारलाई दिएको समर्थन फिर्ता लिने बताए ।

नेकपा (एमाले) कोशी प्रदेश संसदीय दलका प्रमुख सचेत रेवतीरमण भण्डारीले पत्रकार सम्मेलनमा गठबन्धन दलका नेताहरूलाई खुसी पार्न ल्याएको अध्यादेश फिर्ता नलिए सरकारलाई सांसदबाटै निष्क्रिय पार्ने चेतावनी दिए । उनले प्रदेश संरचनाप्रति विरोध भइरहेको अवस्थामा थप सुविधा प्रदान गर्ने कार्यप्रति आपत्ति जनाए ।

ज्ञातव्य छ, सो अध्यादेशमार्फत सत्ता गठबन्धनका नेताहरूलाई गाडी सुविधा दिने व्यवस्था मिलाइएको छ ।

_{^{photo: rss}}