‘सात दिनभित्र फिर्ता नगरे मुद्धा हाल्ने’

विवादित मेडिकल व्यवसायी दुर्गा प्रसाईंले देशका तस्करहरुको फोटो सार्वजनिक गर्ने पुनः चेतावनी दिएका छन् । कहिले माओवादी त कहिले एमाले हुँदै पछिल्लो समय राजावादी बनेका उनले झापाबाट आइतबार राजधानी आएपछि त्रिभूवन अन्तराष्ट्रिय विमानस्थलमा पत्रकार सम्मेलन गर्दै सो कुरा बताएका हुन् ।

उनले भने, ‘तस्करहरुको फोटो सार्वजनिक गर्ने पूर्वनिर्धारित कार्यक्रम रोकिने छैन ।’ उनले उपप्रधान तथा गृहमन्त्री रवि लामिछानेले फोटो सार्वजनिक नगर्न दबाब दिएको दाबी पनि गरेका छन् ।

फोटो सार्वजनिक नगर्न गृहमन्त्रीले भनेको तर फोटो सार्वजनिक गरेरै छोड्छु, यो चुनौती हो, उनले भने, ‘तस्करको फोटो सार्वजनिक गर्छु ।’ प्रसाईं यही चैत २२ गते जुम्ला, र २४ गते दाङ पुगेर कार्यक्रम गर्ने तयारीमा छन् ।

उनले जफत गरिएको आफ्नो हतियार लाइसन्सप्राप्त भएकोले सात दिनभित्र फिर्ता नगरे मुद्धा हाल्ने पनि बताएका छन् ।