✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य
आजको पञ्चाङ्ग
श्रीशाके १९४६ नेपाल सं. ११४४ कालयुक्तनाम संवत्सर वसन्त ऋतु वि.सं.२०८१ वैशाख ८ गते तद्अनुसार सन् २०२४ अप्रिल २० तारिख शनिबार चैत्र शुक्ल द्वादशी तिथि पूर्वाफाल्गुणी नक्षत्र ध्रुव योग बब करण आनन्दादिमा लुम्ब योग चन्द्रमा सिंह राशिमा भ्रमणशील रहनेछ । काठमाडौंमा सूर्योदय बिहान ५ः३६ मा भयो र सूर्यास्त साँझ १८ः३१ मा हुनेछ । त्रिपुष्कर योग १५ः०० देखि २३ः१८ बजेसम्म । छन्ददिवस ।
आजको राशिफल
मेष – अनावश्यक विवादमा फस्न सकिने सम्भावना रहेकोले आजको दिन बोली र व्यवहारमा संयमता राख्नु उचित हुनेछ । पेशागत रुपमा समस्या देखिन सक्छ, तर ब्यापारमा भने फाइदै होला । मुद्दा मामिलामा पर्न सकिने योग छ, सचेत रहनुहोला । अनौठो समाचार पनि सुन्न पाइने योग छ । प्रेमभाव बढ्नेछ भने मिठो भोजन प्राप्त हुनेछ ।
वृष – अरुबाट प्रशंसा मिल्ने र मन हर्षित हुने दिन छ । सामाजिक कामबाट यश प्राप्त हुनेछ । व्यापारमा गरेको लगानि सन्तोषप्रद रहनेछ । दिदीबहिनी वा कुटुम्बका काममा सघाउनुपर्ने योग छ । कुनै विषयमा मनमा दुविधा रहला । ब्यस्तता बढ्नेछ भने रचनात्मक काममा सफलता मिल्नेछ । परिवारिक सुख रहनेछ । उत्साह वृद्धिका साथै आफन्तको साथ मिल्नेछ ।
मिथुन – पराक्रम वृद्धि हुनेछ । नजिकका मित्रबाट विशेष सहयोग र सुख प्राप्त हुने समय छ । खुसीको खबर प्राप्त होला । चल-अचल सम्पत्तिको कारोबार हुन सक्नेछ । वैवाहिक जीवन सुखी हुने खालको दिन छ । यात्राको पनि योग रहेको छ । वैदेशिक क्षेत्रमा गरेको लगानीले फाइदै गर्ने देखिन्छ । बौद्धिकता र रचनात्मकता बढ्नेछ । समस्याको समाधान प्राप्त हुनेछ ।
कर्कट – परिश्रमअनुसार राम्रै उपलब्धि प्राप्त हुने समय छ । रोकिएका काम पुनः सुरु हुन सक्छन् । चुनौतीका बाबजुद कामहरू अघि बढ्नेछन् । धैर्यले काम लिने प्रयत्न गर्नुहोला । मित्रजनको सहयोग पनि प्राप्त हुनेछ । अल्झेको काम अरुको सहयोगमा बन्ने छन् । अप्रत्याशित लाभ हुने योग छ । ऐश्वर्य वृद्धि होला । आनन्द र आरोग्यता रहनेछ ।
सिंह – आजको दिन पीडा दिनेहरु सक्रिय रहन सक्छन् । स्वास्थ्य केही कमजोर रहेको अनुभूति होला । खानपानमा विशेष ध्यान दिनु हितकर हुनेछ । व्यर्थको खर्च हुने योग भएकोले खर्च घटाउने प्रयास गर्नु उचित हुनेछ । रसरागात्मक क्रियाकलापमा आकर्षण बढ्नेछ । रचनात्मक तथा कलात्मक काममा सफलता मिल्ने देखिन्छ ।
कन्या – नयाँ कामको थालनी हुने दिन छ । ठूला व्यक्तिबाट बुद्धिको तारिफ हुनेछ भने रोकिएका काम बन्नाले आर्थिक पक्ष सबल बन्नेछ । मुद्दा-मामिलामा विजयी भइएला । रचनात्मक कार्यमा प्रगति होला । व्यस्तता र खर्च वृद्धि भएपनि दिन खुशीसाथ बित्ने देखिन्छ । आफन्तको साथ प्राप्त हुनेछ ।
तुला – सोचेभन्दा बढी नै लाभ हुने दिन छ । निर्माण तथा व्यवहारिक क्षेत्रमा मन लाग्नेछ । आफन्तमिलनले सुख दिनेछ भने पाहुनाको आगमनले मन हर्षित रहला । आयआर्जनको दृष्टिले राम्रो दिन छ । केही नयाँ काम गर्नको लागि परिवारजनको उचित सल्लाह मिल्ने देखिन्छ । यशवर्चश्व बढ्नेछ ।
वृश्चिक – कामहरु सजिलै बन्ने र प्रतिस्पर्धाबाट फाइदा उठाउन सकिने समय छ । वैदेशिक क्षेत्रबाट लाभ लिने मौका मिल्ला । ब्यापार-व्यवसायबाट सामान्यमात्र नाफा होला । हाँसखेल, भ्रमण र मनोरञ्जनका क्रममा दिन बित्ने देखिन्छ । रमणीय र सुखद यात्राको योग छ । मिठो भोजन प्राप्त हुनेछ । बौद्धिक कार्यमा सफलता प्राप्त होला ।
धनु – घरेलु समस्याले सताउन सक्ने समय छ । मित्र बनेर धोका दिनेहरू फेलापर्नेछन् । अरूको भर पर्दा काममा धोका हुनसक्छ, सावधान रहनुहोला । अर्थको पनि हानी हुने दिन रहेको छ । स्वास्थ्यगत समस्याले सताउन सक्छ । धनमाल हराउने योग रहेकोले विशेष सजगताको खाँचो छ । टाढाको यात्रा गर्नुपर्ने काम छ भने आज स्थगित गरेकै बेस हुनेछ ।
मकर – सानातिना काम र घरेलु समस्यामा अल्झनुपर्ने समय भएपनि आज आकस्मिक रूपले लाभ प्राप्त हुन सक्छ । सामान्य काममा पनि ज्यादा परिश्रम पर्ला । रुपैयाँपैसाको लेनदेन खासै हितकर नहोला । मातृधनको उपयोगबाट लाभ उठाउन सकिनेछ । नियमकानूनले साथ दिनेछ । शत्रुपक्ष परास्त हुनेछ । यात्रागत कार्यमा सफलता प्राप्त हुनेछ ।
कुम्भ – रोकिएका काम बन्ने र नयाँ काम सुरु गर्ने समय छ । काम बन्नाले सुखको अनुभव होला । पठनपाठनमा मन जानेछ । सोचेअनुरुप कमाइ हुने योग छ । सन्तानपक्षबाट खुशीको समाचार सुन्न पाइएला । दामपत्यसुख बढ्नेछ । मिठो भोजन प्राप्त हुनेछ ।
मीन – शुभदायी समय हुनाले आज कुनै नयाँ कामको थालनी गर्नु हितकर हुनेछ । व्यापारमा सफलता मिल्नेछ भने साथीभाइसँग भेटघाट पनि होला । नयाँ कामका योजनाहरु बन्ने सम्भावना छ । काममा जोश र जाँगर बढ्ने देखिन्छ । आर्थिकलाभ पनि प्राप्त होला । शत्रुसित लड्ने सामर्थ्य बढ्नेछ । सुख विलास पनि बढ्नेछ ।
प्रतिक्रिया