✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४६ नेपाल सं. ११४४ कालयुक्त नाम संवत्सर वसन्त ऋतु वि.सं. २०८१ वैशाख ९ गते तद्अनुसार सन् २०२४ अप्रिल २१ तारिख आइतबार, चैत्र शुक्लपक्ष त्रयोदशी तिथि उत्तरा फाल्गुनी व्याघात योग कौलव करण आनन्दादिमा मित्र योग चन्द्रमा कन्या राशिमा भ्रमणशील रहनेछ । काठमाडौंमा सूर्योदय बिहान ५ः३५ मा भयो र सूर्यास्त साँझ १८ः३१ मा हुनेछ । प्रदोष व्रत, महावीर जयन्ती ।

आजको राशिफल

मेष – आजको दिन केही चुनौतीयुक्त रहने देखिन्छ । कसैसँग बिनाकारण विवाद वा झैझगडा हुन सक्छ, सचेत रही व्यवहार गर्नुहोला । लेनदेनको समस्याले सताउन सक्छ, विरोधिहरू पनि बढ्न सक्छन् । ब्यापारमा खासै लाभ नहोला । यात्रामा पनि विशेष सावधानी अपनाउनु हितकर हुनेछ । सानातिना घरायसी काममा समय खर्च हुनेछ ।

वृष – समय शुभदायी छ । मानप्रतिष्ठा र सामाजिक मर्यादामा अभिवृद्धि हुनेछ भने मित्रजनले प्रशंसा गर्नेछन् । नसोचेको सम्मान मिल्ने देखिन्छ । अध्ययन तथा अध्यापन कार्यमा सुधार आउने योग छ । कुरा काटनेहरु प्रशंसक बन्नेछन् । लेनदेनमा भने केही समस्या आउन सक्ने हुँदा सचेतनापूर्ण व्यवहार गर्नु उचित हुनेछ । पारिवारिक समस्याको समाधान मिल्नेछ ।

मिथुन – ब्यस्तता वृद्धि हुने समय छ । नयाँ काम प्राप्तिको योग छ । आकस्मिक निम्तोमा सहभागी हुन पाइएला । लामो समयदेखि रोकिएका कामहरू बन्ने देखिन्छ । हर्ष र हौसला बढ्नेछ । पराक्रम बढ्नुको साथै अधुरा काम बन्नेछन् । धनलाभ होला । सभासमारोहमा मान पुरस्कार प्राप्त हुन सक्छ । ऋण रोग र शत्रुमाथि विजय प्राप्त हुनेछ । रसरागको भाव वृद्धि हुनेछ ।

कर्कट – पराक्रम बढ्नेछ । व्यापार–व्यवसायमा लाग्नेहरूलाई विशेष फाइदा मिल्ने समय छ । रुचिका विषयमा लगानी बढाउन सकिएला । प्रेमसम्बन्धमा सुधार तथा दाम्पत्यसुखको योग छ । स्वास्थ्य स्थितिमा सुधार आउने छ । आयआर्जनको स्रोत फेला पर्ला । साथीभाइको सहयोग प्राप्त हुनेछ । रोकिएको काम बन्ने र शत्रुमाथि विजय प्राप्त हुनेछ । रसरागात्मक कार्यमा आकर्षण रहला ।

सिंह – समय खास नराम्रो नभएपनि आज खर्च र विवाद बढ्ने तथा शत्रुले सताउने योग रहेकोले सावधान रहनु हितकर होला । आजको दिन हातहतियारको प्रयोग गर्दा अघिपछिको तुलनामा विशेष सचेत रहनु उचित हुनेछ । रसरागात्मक क्रियाकलापमा आकर्षण बढ्नेछ । बौद्धिक, रचनात्मक र कलात्मक काममा सफलता मिल्नेछ । पारिवारिक सुख वृद्धि होला ।

कन्या – विभिन्न अवसरले पछ्याउनेछन् । भविष्यका लागि विशेष काममा जग बसाउने मौका मिल्ला । शैक्षिक प्रगतिका लागि अनुकूल समय आएकोले पठनपाठनमा ध्यान दिनु बेस हुनेछ । प्रेमसम्बन्ध बलियो रहला । अधुरा कामहरु बन्ने, अरुको विश्वास आर्जन गर्न सकिने र आफन्तजनको उचित सहयोग मिल्ने योग छ । आरोग्यता रहनेछ । यात्रामा सफलता प्राप्त हुनेछ ।

तुला – अरुको विश्वास सजिलै जित्न सकिने समय छ । गरेका हेरक कार्यबाट लाभ नै मिल्ने देखिन्छ । व्यापारबाट राम्रै आम्दानी हुनसक्छ । नसोचेको काम बन्ने योग छ । अर्थलाभका अवसर आउनेछन् ।सामाजिक प्रतिष्ठा पनि बढ्नेछ । मिठो भोजन प्राप्त हुनेछ । साहसिक काममा आकर्षण बढ्नेछ । धन सम्पदामा बढोत्तरी होला ।

वृश्चिक – फुर्सदिलो समयको अनुभूतिले आनन्द दिलाउला । प्रयत्न गर्दा मौकाको फाइदा लिन सकिनेछ । रमणीय र सुखद यात्राको योग छ । यात्रामा विशेष लाभ होला । जीवनसाथी र आमाको सल्लाहमा गरिएको काममा सफलता प्राप्त हुनेछ । शुभता बढेर रोकिएको काम बन्नेछ । आरोग्यता रहला । बौद्धिक र रचनात्मक कार्यमा विशेष सफलता प्राप्त हुनेछ । शत्रुपक्ष परास्त हुनेछ ।

धनु – कर्मबल बढ्ने समय भएपनि आज हतारको निर्णयले काम बिग्रन सक्छ, सचेत रहनुहोस् । मान्यजनको सुझाव अप्रिय लाग्नसक्छ । आज आर्थिक संकट पनि आउने देखिन्छ । लेनदेनमा विवाद बढ्ने र घरायसी समस्या आउन सक्ने योग छ । पढाइ-लेखाइमा खासै ध्यान दिन नसकिएला । तथापि मिठो भोजन प्राप्त हुने र भ्रमणादिमा आकर्षण बढ्नेछ । गीतसंगीत र रसरागात्मक काममा आकर्षण बढ्नेछ ।

मकर – गलत विचारहरुले काममा बाधा सिर्जना गर्ने योग रहेकोले नयाँ योजना बनाउन र दीर्घकालीन योजना बनाउन आजको दिन अनुकूल नहुन सक्छ । अरुको काम धेरै गर्नु पर्ला । समयको बचत कम हुने दिन छ । नोकरी तथा राजनीतिमा रहेकालाई चाहिँ मान-सम्मान मिल्न सक्छ । अरुको मन जित्न सकिने छ । रोग र शत्रुलाई जित्ने सामर्थ्य बढ्नेछ । यात्रागत कार्यमा सफलता प्राप्त हुनेछ ।

कुम्भ – सामाजिक यश, सम्मान र प्रतिष्ठामा वृद्धि हुने दिन छ । रोकिएका काम सजिलै सम्पन्न हुनेछन् भने सोच्ने शक्ति बढ्नेछ । कुरा काट्नेहरु प्रशंसा गर्न थाल्नेछन् । धनवृद्धि होला । दाम्पत्य सम्बन्ध सुखद रहला । प्रेमको बन्धनमा बाँधिने समय छ । मिठो भोजन प्राप्त हुनेछ । सामर्थ्य वृद्धि हुनेछ । बौद्धिक र रचनात्मक कार्य पनि बन्नेछ ।

मीन – परिश्रमले धेरै काम बन्ने समय छ । भाग्य बलियो छ, धनार्जनको योग छ । परोपकार र धार्मिक क्षेत्रमा लगानी गरेमा राम्रो प्रतिफल प्राप्त होला । मनोरञ्जनमा भुलिने सम्भावना छ । मित्रजनले पनि राम्रै सहयोग गर्लान् । आज आफन्तजनको सहयोग भने खासै नपाइएला । सुख–सुविधाको वस्तु बढ्नेछन् । समस्याको समाधान मिल्नेछ ।