✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४६ नेपाल सं. ११४६ कालयुक्तनाम संवत्सर ग्रीष्म ऋतु वि.सं. २०८१ ज्येष्ठ ६ गते तद्अनुसार सन् २०२४ मे १९ आइतबार वैशाख शुक्ल पक्षको एकादशी तिथि हस्ता नक्षत्र बज्र योग बब करण आनन्दादिमा मानस योग चन्द्रमा कन्या राशिमा भ्रमणशील रहनेछ । काठमाडौंमा सूर्योदय बिहान ५ः१५ मा भयो र सूर्यास्त साँझ १८ः४७ मा हुनेछ । मोहिनी एकादशी व्रत ।

आजको राशिफल

मेष – कामको सन्दर्भमा विशिष्ट व्यक्तित्वहरूसँग मित्रता बढ्ने समय छ । कला, साहित्य, मनोरञ्जन आदि क्षेत्रमा रुचि बढ्ला । कृषि तथा पशुपालन व्यवसायमा लाभको योग छ । सन्तानको बारेमा केही चिन्ता बढ्न सक्छ । प्रतिस्पर्धीलाई कमजोर ठान्दा हानी हुन सक्छ, ध्यान राख्नुहोला । स्वास्थ्यगत समस्याले केही सताउने देखिन्छ । मित्रजनको सहयोग प्राप्त हुनेछ ।

वृष – रुचिका विषयमा लगानी बढाउने समय छ । अप्ठ्यारो काम पनि बन्नेछ । तर, समयमा होसियार बन्न नसक्दा काममा बाधा हुने र खर्च बढ्ने देखिन्छ, सचेत रही कार्य गर्नुहोला । प्रेम र मित्रताको बन्धन कसिने सम्भावना छ । रमाइला ठाउँको भ्रमण गर्ने अवसर प्राप्त होला । व्यवसायमा लाग्नेहरूलाई विशेष फाइदा हुनेछ । सन्तानसुख र प्रेमभाव बढ्नेछ । परिवारिक सुख रहला ।

मिथुन – शुभचिन्तकहरूले साथ दिने र विभिन्न अवसर पाइने समय छ । तर, आफ्नै कमजोरीले चिताएको काममा व्यवधान आउने सम्भावना रहेकोले सावधानीका साथ कार्य गर्नु हितकर हुनेछ । आम्दानी तथा आयआर्जनका स्रोतसमेत बढ्ने देखिन्छ । व्यापारमा राम्रै फाइदा हुनेछ । विद्यार्जनमा भने कमजोरी र लेनदेनमा विवाद होला । लेनदेनसम्बन्धी विगतका समस्या बल्झिन सक्छन् । व्यस्तता वृद्धि हुनेछ । शत्रुमाथि विजय प्राप्त हुनेछ ।

कर्कट – आँटेका काम तत्काल सम्पादन हुने दिन छ । पछिसम्म लाभ हुने काममा लगानी गर्ने अवसर प्राप्त होला । भौतिक साधन जुट्नाले आयआर्जन राम्रै हुनेछ । कतै अतिथिका रूपमा सम्मान समेत पाइएला । हातमा आएको अवसर गुम्ने सम्भावना छ, सचेत रहनुहोला । सहयोगी वा हितैषीले तपाईंका कमी-कमजोरीप्रति टिप्पणीे गर्न सक्छन् । तर, इष्टमित्रको सहयोग प्राप्त हुनेछ ।

सिंह – मेहनतले धेरैको विश्वास जित्न सकिने समय छ । अरूको दबाबमा परिए पनि कामको सन्दर्भमा विशिष्ट व्यक्तित्वहरूसँग निकटता बढ्ला । अस्वस्थताका बाबजुद कामको दायित्व बढ्ने भएकोले आज सानातिना काममा महत्वपूर्ण समय बित्न पनि सक्छ । शुभचिन्तकहरूको सुझावलाई बेवास्ता गर्दा दुःख पाइनेछ, ध्यान राख्नुहोला । कलात्मक काममा सफलता मिल्नेछ ।

कन्या – समयमा होसियार बन्न नसक्दा काममा बाधा हुने र खर्च बढ्न सक्ने समय छ । मेहनतअनुसार फाइदा कमै होला । आमाको माध्यमबाट काम बनाउन सकिनेछ । महत्वाकांक्षी योजना गोप्य राख्नु हितकर होला । दुःखमा साथ दिनेहरू प्रशस्तै भेटिनेछन् । आरोग्यता रहनेछ । साथीभाइको सहयोग प्राप्त हुनेछ । समस्याकको समाधान मिल्नेछ ।

तुला – आजको दिन सानो प्रयत्नले पनि राम्रो फाइदा उठाउन सकिनेछ । कृषिकर्म र व्यावसायिक काममा केही लगानीपछि फाइदा हुनेछ । आज नसोचेको ठाउँबाट धनको लाभ हुने देखिन्छ । साथै ब्यापार ब्यवसायमा पनि राम्रै लाभ हुने देखिन्छ । विभिन्न अवसरले पछ्याउनेछन् । भविष्यका लागि विशेष काममा जग बसाउने अवसर जुर्ला । साहसिक काममा आकर्षण बढ्नेछ ।

वृश्चिक – कामको चापबाट फुर्सद पाइने समय भएपनि बोलीको गलत अर्थ लाग्नाले आत्मसम्मानमा चोट पुग्न सक्छ । विचारलाई तौलेर व्यक्त गर्नु बुद्धिमानी हुनेछ । ठूलो प्रयत्न गर्दा पनि उपलब्धि उठाउन मुस्किल पर्ने देखिन्छ । शुभचिन्तकहरूको सुझावलाई बेवास्ता गर्दा दुःख पाइएला । रमाइलो यात्रा गर्ने अवसर जुट्ने योग छ । आजको दिन योजना र बजेट बनाएरमात्र कार्य गर्नु बेस होला ।

धनु – प्रयत्न गर्दा विगतका कमजोरीलाई सच्याउन सकिनेछ । टाढिएका आफन्तहरू नजिकिन सक्छन् । स्वास्थ्यका लागि मसलाजन्य खानबाट आज एकदमै सावधान रहनु उचित होला । भौतिक साधनको क्षतिले रुपैयाँपैसाको हानी हुने देखिन्छ । अरूका काममा समय बित्न सक्छ । उपलब्धि प्राप्त गर्न निकै मिहिनेत गर्नुपर्ने समय छ ।

मकर – सहयोगीहरूले राम्रै साथ दिनेछन् र काममा सोचेजस्तै सफलता मिल्ने दिन छ । प्रतिस्पर्धी परास्त होलान् । तर, परिवारजनबाट टाढिनुपर्ला । आफ्नै कमजोरीले विवादमा परिनेछ भने सद्विचारले अभिप्रेरित हुनेहरूलाई फाइदा पुग्नेछ । सानातिना काम र घरेलु समस्यामा पनि अल्झनुपर्ने योग छ । अनावश्यक भ्रमणमा समय बित्न सक्छ, ध्यान राख्नुहोला । धर्मकर्ममा आकर्षण बढ्नेछ ।

कुम्भ – पराक्रम र उत्साह बढ्नेछ । धन आर्जन गर्ने मौका मिल्ला । उद्योग र व्यापारमा विशेष फाइदाको योग छ । भौतिक साधन जुट्नाले दिगो योजना प्रारम्भ हुन सक्छ । साझेदारीमा फाइदा हुनेछ । आजको दिन सवारीसाधन चलाउँदा विशेष सावधानी अपनाउनु हितकर होला । आर्थिक विकाससित सम्बन्धित कार्यमा सफलता मिल्नेछ ।

मीन – आजको दिन सोचेको काममा सफलता प्राप्त हुने देखिन्छ । लाभ हुने काम प्रारम्भ गर्ने समय छ । गरिएका कामको राम्रै मूल्यांकन होला । व्यावसायिक काममा खर्च बढ्नेछ । धर्मकर्म र सेवामूलक कामबाट प्रतिष्ठा मिल्नेछ । प्रयत्न गर्दा सफलता हात लाग्ला । द्रब्य प्राप्तिको योग रहेको छ । प्रेमभाव बढ्नेछ भने रसरागमा आकर्षण बढ्नेछ ।