जिल्ला प्रशासन कार्यालय पर्साका शाखा अधिकृत मोहनप्रसाद मैनालीको हत्यामा संलग्न रहेका ७२ वर्षीय प्रेम गिरीलाई पर्सा प्रहरीले पक्राउ गरेको छ ।

पर्साको साविक महुवन-४ र हाल सखुवा प्रसौनी-७ महुवन बलुवाका गिरीलाई उनकै घरबाट पक्राउ गरिएको हो ।

सोह्र वर्षअघि २०६५ असोज २२ गते गिरीले तत्कालिक शाखा अधिकृत ५२ वर्षीय मैनालीलाई गोली हानी हत्या गरेका थिए ।

उनले २०५७ भदौ १२ गते पर्साका विन्दवासिनी-४ का ३० वर्षीय देवेन्द्रप्रसाद यादवको घरमा डकैती गर्ने क्रममा गोली हान्दा यादवको पनि मृत्यु भएको थियो । यस्तै उनमाथि आधा दर्जनबढी हातहतियार खरखजना, सार्वजनिक अपराधसमेतका मुद्धा छन् ।