आजको पञ्चाङ्ग एवम् राशिफल (१ आषाढ २०८१ शनिबार, १५ जुन २०२४)

आजको पञ्चाङ्ग एवम् राशिफल (१ आषाढ २०८१ शनिबार, १५ जुन २०२४)


आजको पञ्चाङ्ग

श्रीशाके १९४६ नेपाल सं. ११४४ कालयुक्त संवत्सर ग्रीष्म ऋतु वि.सं. २०८१ आषाढ १ गते तद्अनुसार सन् २०२४ जुन १५ तारिख शनिबार ज्येष्ठ शुक्लपक्ष नवमी तिथि उत्तरा फाल्गुनी ७ः५९ पर हस्ता नक्षत्र व्यतिपात योग बालब करण आनन्दादिमा उत्पात योग चन्द्रमा कन्या राशिमा भ्रमणशील रहनेछ । काठमाडौंमा सूर्योदय बिहान ५ः१० मा भयो र सूर्यास्त साँझ १८ः५९ मा हुनेछ । आषाढ संक्रान्ति ।

आजको राशिफल

मेष – आजको दिन दिगो फाइदा हुने काममा लगानी बढाउन सकिनेछ । थोरै लाभ भए पनि ठूलै आवश्यकता पूरा हुने देखिन्छ । काम बिग्रने डरले कता-कता सताउन सक्छ तर मेहनत गर्दा फाइदा नै हुनेछ । पतिपत्नीबीच भने सम्बन्ध केही चिसिन सक्छ । इर्ष्या गर्नेहरूले फसाउन सक्छन्, सचेत रहनुहोला । यात्रागत कार्यमा सफलता प्राप्त हुनेछ ।

वृष – विगतका कमी-कमजोरीलाई सुधार गर्ने अवसर मिल्नेछ । मित्रजनसँग सन्तुलित व्यवहार गर्नु हितकर होला । प्रतीक्षित नतिजाले साँझदेखि उत्साह बढाउनेछ भने तार्किक क्षमताले सम्मान दिलाउने योग छ । अधैर्य व्यवहारले समस्या निम्त्याउन सक्ने सम्भावना रहेकोले संयमता अपनाउनु हितकर हुनेछ । विछोडिएका परिवारजनसँग भेटघाट होला । यात्रापरक काम बन्नेछ । आफन्तजनको साथ मिल्नेछ ।

मिथुन – व्यस्तता वृद्धि भएपनि आजको दिन व्यवसायमा थप लगानी बढाउन सकिनेछ भने केही खर्च लागेपनि सोचेको काम बन्ने समय छ । प्रतिस्पर्धीहरूले हार खानेछन्, सहयोगीहरूले राम्रो साथ दिनेछन् । रोकिएका काम बन्ने र नयाँ काम प्रारम्भ गर्ने उचित समय छ । महत्वपूर्ण कार्यमा आँट गर्न नसक्दा पछि परिनेछ, ध्यान राख्नुहोला । ऋण, रोग र शत्रुमाथि विजय प्राप्त हुनेछ ।

कर्कट – पराक्रम बढ्नेछ, तर ठूलै प्रयत्न गर्दा सामान्यमात्र फाइदा होला । अवसर आए पनि मौकामा लाभ उठाउन नसकिएला । रचनात्मक कार्यले भने लाभ दिलाउनेछ । नियमित कार्यमा चुनौती आइलाग्नेछन् । रोकिएको कुनै विशेष काम छ भने प्रयत्न गर्दा सम्पन्न हुने समय छ । बुद्धिको उपयोगले लक्ष्य पहिल्याउन सकिनेछ । साथीभाइको सहयोग प्राप्त हुनेछ । रसरागमा आकर्षण रहला ।

सिंह – आजको दिन केही सङ्घर्षयुक्त रहन सक्छ । सरसापटमा धन खर्च हुने तथा आम्दानी बिगार्नेहरू सक्रिय रहन सक्ने समय छ । स्वास्थ्यमा देखापरेको कमजोरीले पढाइलेखाइमा बाधा पुग्न सक्छ । अप्रिय समाचारले मन खिन्न तुल्याउने योग छ । अर्थ संग्रहमा बाधा पुग्नेछ, फजुल खर्च रोक्ने प्रयत्न गर्नुहोला । समयको सदुपयेग गर्ने प्रयत्नमा लाग्नु उचित होला । कलात्मक काममा सफलता मिल्नेछ ।

कन्या – सानो प्रयत्नले ठूलो काम सम्पादन हुने र सजिलै काम बन्नाले उत्साह जाग्ने समय छ । जटिल काम सम्पादन हुनाले पराक्रम र उत्साह बढ्ला । व्यापार-व्यवसायमा विशेष फाइदा उठाउन सकिनेछ । तर्कशक्ति बढ्नुका साथै रोकिएका काम सम्पादन हुनेछन् । प्रतिष्पर्धीहरू परास्त हुनेछन् । आरोग्यता रहनेछ । यात्रागत कार्यमा सफलता प्राप्त हुनेछ ।

तुला – बिछोडिएका आफन्तसँग भेटघाट हुने समय छ । सहयोगीहरूले काममा साथ दिनेछन् । विगतको श्रमबाट राम्रै धनलाभ हुनुका साथै बिग्रिएको सम्बन्ध र व्यक्तिगत कमजोरीलाई सुधार गर्ने अवसर जुर्ला । धन आर्जन हुने योग छ । सहयोगी नै ठानिएका व्यक्ति प्रतिस्पर्धामा उत्रिन सक्छ, सचेत रहनुहोला । मिठो भोजन प्राप्त हुनेछ । साहसिक काममा आकर्षण बढ्नेछ ।

वृश्चिक – मनको डर उत्साहमा रूपान्तरित हुने समय छ । विभिन्न सहयोग र उपहार प्राप्त हुनेछन् । रमाइलो यात्रा गर्ने अवसर जुट्नुका साथै अतिथिका रूपमा सम्मान प्राप्त हुन सक्छ । अरूको मुख ताक्ने बानीले पछि परिनेछ, ध्यान राख्नुहोला । यात्रागत कार्य सफल हुनसक्छ । आय वृद्धि हुनेछ । शत्रुजन परास्त हुनेछन् ।

धनु – कर्मबल बढ्नेछ । तपाईंका कामको धेरैले तारिफ गर्नेछन् । टाढिएका साथीभाइ नजिकिनाले हर्ष बढ्नेछ । सोखका कारण खर्च बढ्न सक्छ । आफ्नै कमजोरीले महत्वपूर्ण अवसर गुम्न सक्छ, सचेत रही कार्य गर्नुहोला । विगतको श्रमबाट सामान्य लाभ भए पनि परिस्थितिसँग सम्झौता गर्नुपर्दा मन खिन्न रहने योग छ । मिठो भोजन प्राप्त हुनेछ ।

मकर – प्रतिस्पर्धीलाई उछिन्दै आम्दानी बढाउने अवसर प्राप्त हुने दिन रहेपनि आश्वासन दिनेले झुक्याउन सक्छ । अरूको विश्वासमा पर्दा अन्त्यमा धोका मिल्नसक्ने समय छ । साँझदेखि कामको चापबाट फुर्सद पाइनेछ भने शुभचिन्तकहरूसँग भेटघाट होला । विगतका कमी-कमजोरीलाई सुधार गर्ने अवसर प्राप्त हुनेछ । ऋण रोग र शत्रुलाई जित्ने सामर्थ्य बढ्नेछ । नियमकानूनले साथ दिनेछ ।

कुम्भ – दौडधुप केही बढेपनि सोचेको काम बन्नुका साथै विभिन्न अवसर प्राप्त हुने समय छ । विशेष सभा-समारोहमा सहभागी बन्ने अवसर जुर्ला । पढाइलेखाइमा प्रगति हुनेछ । पशुपालन तथा कृषि क्षेत्रबाट राम्रो लाभ मिल्नेछ । दीर्घकालसम्म फाइदा हुने काममा हात हाल्न सकिनेछ । मिठो भोजन प्राप्त होला । सामर्थ्य वृद्धि हुनेछ भने बौद्धिक र रचनात्मक कार्य पनि बन्नेछ ।

मीन – रचनात्मक काम सुरु गर्ने समय छ । रमाइलो जमघटका बीच स्वादिष्ट भोजनको आनन्द पाइएला । पारिवारिक आत्मीयता बढ्नेछ भने विभिन्न अवसर प्राप्त हुनेछन् । महत्वाकांक्षी योजना फलीभूत हुन सक्छन् । आम्दानीका नयाँ स्रोत फेला पर्ने र श्रमको उचित मूल्यांकन हुने योग छ । दाम्पत्यसुख बढ्नेछ । कुनैपनि समस्याको समाधान मिल्नेछ ।