✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४६ नेपाल सं. ११४४ कालयुक्तनाम संवत्सर ग्रीष्म ऋतु वि.सं. २०८१ ज्येष्ठ ९ गते तद्अनुसार सन् २०२४ जुन २३ तारिख आइतबार आषाढ कृष्ण प्रतिपदा तिथि ५ः४८ पर द्वितीया तिथि पूर्वाषाढ़ा नक्षत्र ब्रम्हा योग तैतिल करण आनन्दादिमा शुभ योग चन्द्रमा धनु राशिमा भ्रमणशील रहनेछ । काठमाडौंमा सूर्योदय बिहान ५ः११ मा भयो र सूर्यास्त साँझ १९ः०१ मा हुनेछ । त्रिपुष्कर योग १८ः३१ देखि २८ः३५ बजेसम्म ।

आजको राशिफल

मेष – श्रम गरीकन मूल्य प्राप्त नहुने तथा अरूका लागि बुद्धि खर्चनुपर्ने समय छ । स्वास्थ्य पनि केही कमजोर रहला । मुख्य काममा बाधा हुने देखिन्छ, सचेत रहनुहोला । सानातिना काममै अल्झनुपर्दा मन खिन्न रहन सक्छ । प्रतिकुलताका बाबजुद गरेको मेहनतले अरुको विश्वास जित्न सकिएला । कामको सन्दर्भमा विशिष्ट व्यक्तित्वहरूसँग निकटता बढ्ने योग छ । दिनको पछिल्लो प्रहर अनुकूलता वृद्धि हुने देखिन्छ ।

वृष – शत्रु र रोगबाट छुटकारा मिल्ने समय छ । प्रयत्न गर्दा मौकाको फाइदा लिन सकिनेछ भने यात्रागत कार्यमा विशेष लाभ हुने देखिन्छ । तथापि, दौडधुप र खर्च केही बढ्ला । आश्वासन दिनेहरूले झुक्याउन सक्छन् । आज परिस्थितिले पनि अप्ठ्यारो मोडमा पुऱ्याउन सक्छ । तपाईंका कमजोरीको फाइदा अरूले उठाउन सक्छन् । महत्वाकांक्षी योजना गोप्य राख्नु हितकर होला । काममा अभिभावक वर्गको साथ-सहयोग रहनेछ । आफन्तको साथ मिल्नेछ ।

मिथुन – सानो प्रयत्नले पनि राम्रो फाइदा उठाउन सकिने समय छ । आम्दानी बढ्नेछ । स्रोतसाधन जुट्नाले दिगो फाइदा हुने देखिन्छ । प्रेमको बन्धन कसिएर जाला । दाम्पत्यजीवन सुखद तथा समृद्ध बन्ने योग छ । प्रतिस्पर्धीहरूले हार खानेछन् भने इर्ष्या गर्नेहरूलाई सवक सिकाउन सकिएला । आजको दिन कतै आतिथ्यपूर्ण सम्मान पाइएला । कृषिकर्ममा विशेष फाइदा हुनेछ । साझेदारीको काम बन्नेछ । मिठो भोजन प्राप्त होला । ऋण, रोग र शत्रुमाथि विजय प्राप्त हुनेछ ।

कर्कट – दिन उत्साहपूर्ण रहनेछ । व्यावसायिक यात्राको सम्भावना छ । मेहनत गर्दा सामान्य आम्दानी भइरहला । आजको दिन सवारी साधन उपयोग गर्दाचाहिँ अलिक सावधानी अपनाउनु हितकर हुनेछ । यात्रा गर्दा धनमाल हराउन सक्ने योग रहेकोले सचेत रहनुहोला । बोलीको गलत अर्थ लाग्नाले आत्मसम्मानमा चोट पुग्न सक्छ, बोली र व्यवहारमा संयमता राख्नु उचित हुनेछ । खेलकुद एवम् मनोरञ्जनात्मक क्रियाकलापमा आकर्षण बढ्नेछ ।

सिंह – सामान्य अस्वस्थता अनुभूतिका बाबजुद इच्छाशक्ति बढ्ने र चिताएको काम सजिलै सम्पादन हुने समय छ । प्रयत्न गर्दा विगतका कमजोरीलाई सच्याउन सकिनेछ । अध्ययन तथा अध्यापन कार्य केही सुस्त रहला । सन्तानसुख र प्रेमभाव बढ्नेछ । रसरागको भाव जागृत होला । पारिवारिक सुखशान्ति बढ्नुको साथै खास योजनाले मूर्तरूप पाउने योग छ ।

कन्या – व्यस्तता वृद्धि हुनेछ तर मेहनतीजनका लागि समय उत्साहजनक रहनेछ । प्रयत्न गर्दा सजिलै लक्ष्य प्राप्ति हुनेछ । प्रतिस्पर्धी पनि परास्त होलान् । खर्च केही बढ्ने, अलिक बाध्यताका काममा जुट्नुपर्ने र सामान्य विवादमा समेत परिने योग छ, सजग रहनुहोला । आजको दिन आलस्य त्याग गर्न सके उन्नतिको ढोका खुल्नसक्छ, ध्यान राख्नुहोला ।

तुला – नयाँ योजना कार्यान्वयनमा ल्याउन निकै मेहनत गर्नुपर्ने दिन छ । तर, धन आर्जन गर्ने मौका जुर्ला । मुद्दा–मामिलामा विजयी भइनेछ । व्यापार तथा उद्योगतर्फ सामान्य फाइदाको योग छ । साथीभाइको साथ मिल्नाले पराक्रम बढ्नेछ । आरोग्यबल बढ्नेछ । मिठो भोजन प्राप्त होला । साहसिक काममा आकर्षण बढ्ने देखिन्छ ।

वृश्चिक – आजको दिन मिश्रित फलदायी रहला । अधिकारका लागि केही संघर्ष हुन सक्छ । प्रतिस्पर्धीहरूले अप्ठ्यारोमा पार्ने प्रयास गर्नेछन् भने परिस्थिति अलिक प्रतिकूल रहने देखिन्छ । कृषिकार्यबाट सोचेको लाभ नउठ्न सक्छ । साझेदारीमा पनि समस्या आउने देखिन्छ । रोकिएको काम पूरा गर्नका लागि विशेष जोड लगाउँदा सार्थकता भेटिनेछ । पराक्रम प्रदर्शन हुने प्रकृतिको कार्यमा आकर्षण रहनेछ । बोलीको प्रभाव वृद्धि हुने योग छ ।

धनु – विभिन्न भौतिक साधनहरू जुट्ने र प्रसन्नता पनि मिल्ने समय छ । आयआर्जनका स्रोत बढ्नेछन् भने व्यापारमा पनि राम्रै लाभ मिल्ने देखिन्छ । तथापि, पतिपत्नीमा अविश्वास र आफन्तजनसँग असमझदारी बढ्न सक्छ । आजको दिन बाध्यताका काममा अल्मलिनुपर्ने सम्भावना पनि छ । आरोग्यता रहनेछ । मनोरञ्जनात्मक क्रियाकलापमा मन प्रवृत्त रहला ।

मकर – दिगो फाइदाका लागि लगानी बढाउन सकिने समय छ । आम्दानी बढ्नेछ भने परिवारजनका आवश्यकता पूरा हुनेछन् । प्रेम र मित्रताको बन्धन कसिने योग छ । खर्च बढ्ने र केही अप्ठ्यारा परिस्थितिको सामना गर्नुपर्ने सम्भावना रहेकोले सजगतापूर्वक कदम बढाउनु उचित हुनेछ ।

कुम्भ – आयबल बढ्ने र अध्ययनमा प्रगति हुने समय छ । बौद्धिक कार्यबाट राम्रै धनलाभ होला । आफ्नो प्रतिभा धेरैलाई प्रदर्शन गर्न सकिनेछ । अरूको फाइदाका लागि उपयोग भइएला, सचेत रहनुहोला । काम बिग्रने डरले सताउन सक्छ, तर शुभचिन्तकहरूले साथ दिनेछन् र विभिन्न अवसर पाइने योग छ । मिठो भोजन प्राप्त हुनेछ । रचनात्मक कार्य बन्नेछ ।

मीन – अरूलाई प्रभावित पारेर दाम, इनाम र प्रतिष्ठा कमाउने समय छ । कामले कीर्तिमानी दिलाउने सम्भावना छ । प्रतिष्ठित काम गर्ने मौका मिल्ला । आजको दिन सवारीसाधनको प्रयोगमा विशेष सावधानी अपनाउनु हितकर होला । सहयोगीहरूको भरपर्दा चिताएको काम नबन्न सक्छ, सजग रहनुपर्नेछ । सचेत नबन्दा हातमा आएको अवसर गुम्ने सम्भावना छ ।