पूर्वपश्चिम राजमार्गअन्तर्गत नवलपरासी (बर्दघाट-सुस्तापूर्व)को दाउन्ने खण्डमा रुख ढलेर सडक अवरुद्ध भएको छ ।

दाउन्ने पहाडको विश्वकर्मा मन्दिर नजिक माथिबाट रुख ढलेर सडक अवरुद्ध भएको प्रहरीले जनाएको छ ।

जिल्ला प्रहरी कार्यालयका सूचना अधिकारी प्रहरी नायब उपरीक्षक बेदबहादुर पौडेलका अनुसार अवरुद्ध सडक खुल्न समय लाग्नेछ । रुख ढलेपछि सडक दुईतर्फी नै अवरुद्ध भएको जानकारी दिँदै उनले भनेका छन्, ‘सडकमा ढलेको रुख हटाउन एक्साभेटरसहितको टिम घटनास्थलतर्फ जाँदैछ, रुख पूरै हटाएर सडक सञ्चालन गर्न समय लाग्छ ।’

^{_{file photo}}