✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४६ नेपाल सं. ११४४ कालयुक्तनाम संवत्सर वर्षाऋतु वि.सं. २०८१ श्रावण २९ गते तद्अनुसार सन् २०२४ अगस्त १३ तारिख मंगलबार श्रावण शुक्ल नवमी तिथि विशाखा नक्षत्र ७ः३५ परअनुराधा नक्षत्र ब्रम्हा योग बालव करण आनन्दादिमा श्रीवत्स योग चन्द्रमा वृश्चिक राशिमा भ्रमणशील रहनेछ । काठमाडौंमा सूर्योदय बिहान ५ः३४ मा भयो र सूर्यास्त साँझ १८ः४३ मा हुनेछ ।

आजको राशिफल

मेष – अधुरा काम बन्ने र नयाँ कार्य पनि थालनी हुनसक्ने दिन छ । मेहनतले महत्वपूर्णजिम्मेवारी दिलान सक्छ । प्रेमभाव बढ्ने तथा परोपकारमा मन जाने देखिन्छ । प्रेममा सफलता मिल्ने, आर्थिक उपार्जनमा सुधार आउनेछ । साझेदारी कार्यमा भने जोखिम बढ्नेछ, सजग रहनुहोला । समष्टिमा आमोदप्रमोदका साथ दिन बित्ला ।

वृष – विभिन्न अवसरले पछ्याउने र बोलीको प्रभाव बढ्ने समय छ । आर्थिक समुन्नति तथा धनलाभको योग छ । आर्थिक कारोबार वृद्धि होला । कारोबारको सिलसिलामा आफन्तसँग भेटघाटको अवसर जुर्नेछ । साझेदारीको काम बन्नेछ । दाम्पत्यजीवन सुखद रहला । पारिवारिक समस्याको समाधान मिल्नाले आँट वृद्धि हुनेछ । उत्साह बढ्नेछ ।

मिथुन – आजको दिन केही चुनौतीयुक्त रहला । कडा प्रायस गरे पनि सफलता हात लाग्ने बेलामा विवाद हुन सक्छ । खर्च बढ्ने, झमेलामा परिने र छिमेकीसँग विवाद बढ्ने योग रहेकोले विशेष सतर्कताको खाँचो छ । परिवारजन, बन्धुबान्धव वा इष्टमित्रसँग पनि असमझदारी बढ्न सक्छ । धेरै परिश्रमबाट थोरै लाभ मिल्ने देखिन्छ । महत्वपूर्ण काम आजका लागि थाती राख्नु उचित होला । प्रतिकुलताका बाबजुद साहसमा भने कमी आउनेछैन । मिठो भोजन प्राप्त हुने समय छ ।

कर्कट – आजको दिन सामाजिक कामको दायित्व आइपर्न सक्छ । आँटेगरेका काम पुरा भइ धनलाभ हुन सक्ने समय छ । अरुले आदरभाव प्रकट गर्नेछन् । तर, मानसम्मान मिले पनि मनमा निरर्थक डर रहने छ । उत्तम रोजगारी मिल्ने र नोकरीमा पदोन्नति समेत हुने योग छ । व्यवसायमा अनुकूल परिवर्तन होला । सन्तानसुख बढ्नेछ । मित्रजनको सहयोग प्राप्त हुनेछ । शत्रुमाथि विजय प्राप्त होला । रसरागमा आकर्षण बढ्नेछ ।

सिंह – केहीमात्रामा खर्च बढेपनि दिन सुखमय बित्ने देखिन्छ । पढाइलेखाइमा प्रगति होला । बुद्धिको उपयोगले लक्ष्य प्राप्त गर्न सकिनेछ । बौद्धिक वा शैक्षिक क्रियाकलापमा प्रगति र सफलता मिल्नेछ । नसोचेको ठाउबाट आर्थिकलाभबो योग छ । पशुपालन तथा कृषि क्षेत्रबाट राम्रो लाभ मिल्ने देखिन्छ । आरोग्यता रहनेछ । रसरागको कार्यक्रममा आकर्षण रहला । पारिवारिक सुख बढ्नेछ ।

कन्या – आजको समय मनोरञ्जनपूर्ण रहला । आफ्ना सहयोगी तथा सेवक वर्गबाट उचित सहायता मिल्नेछ । नयाँ ज्ञान सिक्ने मौका जुर्ला । व्यावसायिक यात्राको सम्भावना पनि छ । बन्धुवान्धवसँग भने केही चिसोपन बढ्ने योग छ । पराक्रम वृद्धि हुनेछ । यात्रागत कार्यमा सफलता मिल्नेछ ।

तुला – आज अनावश्यक झमेलामा परिने तथा केही हानि हुन सक्ने योग रहेकोले नियमित कार्यमा सावधान रहनु उचित होला । केही विरोध तथा आँटेको समयमा काम अवरुद्ध बन्न सक्छ । स्वास्थ्य पनि केही कमजोर रहनसक्छ । पारिवारिक समस्याले पिरोलेता पनि बिस्तारै समाधानतिर उन्मुख हुनेछ । साहसिक काममा आकर्षण बढ्नेछ ।

वृश्चिक – आजको दिन कठिन काममा सक्रियता बढ्नेछ । पुराना मित्रजनसँग भेटघाट गर्ने अबसर जुट्ला । पढाइलेखाइमा राम्रो नतिजा देखाउन सकिनेछ । यात्रा फलदायी बन्नेछ र काममा उत्साह जाग्नेछ । आरोग्यता रहला । रोकिएको काम मिहिनेतले बन्नेछ । सामर्थ्य वृद्धि हुनेछ । शत्रुपक्ष परास्त होलान् ।

धनु – शुभता बढ्नेछ । बौद्धिकता र रचनात्मकता बढ्नेछ । विभिन्न भौतिक साधन जुटुनुका साथै व्यावसायमा राम्रो फाइदा उठाउन सकिनेछ । आयआर्जनको दृष्टिले राम्रो दिन छ । केहि नयाँ काम गर्नको लागि परिवारजनको राम्रो सल्लाह आउला । सन्तान पक्षबाट फाइदा र सुख मिल्ने योग छ । रोकिएका काम सुरु हुनेछन् । समग्रमा दिन रमाइलै बित्ला ।

मकर – दिन मिश्रित फलदायी रहला । घरेलु समस्याले सताउने हुँदा काममा अवरोध आउन सक्छ । बौद्धिक कार्यबाट धनलाभ हुनेछ । स्वास्थ्य सबल रहनेछ । तर, मानहानी वा अपजशको सम्भावना छ, सजग रहनुहोला । कसैको लहैलहैमा निरर्थक यात्रासमेत हुन सक्छ । गीतसंगीत र रसरागात्मक काममा आकर्षण बढ्नेछ ।

कुम्भ – सुखसुविधा र विलासिताका साथमा समय बित्नेछ । राज्यपक्षबाट लाभ प्राप्त हुने योग छ । तर, आजको दिन मानसिक तनावले परिवारमा नकारात्मक सोच र मनमुटाव श्रृजना गर्नसक्छ, सावधान रहनुहोला । कर्मबल बढ्ने समय भएपनि लगानीको प्रतिफलमा कमी र साझेदारी सम्बन्धमा समस्या आउने देखिन्छ । अनावश्यक भ्रमणबाट बच्नु हितकर होला ।

मीन – काममा सोचेजस्तै सफलता मिल्नुका साथै उन्नति गर्ने अवसर प्राप्त हुने देखिन्छ । तर, अनावश्यक खर्च वृद्धिका साथै चोटपटकको योग रहेकोले विशेष सावधानी अपनाउनुहोला । धर्मकर्ममा आकर्षण बढ्नेछ । आफन्तजन सहयोगी बनेर देखापर्लान् ।