आफूलाई राजसंस्थावादी मान्ने तथा गणतन्त्रविरोधी समूहले राजधानीको माइतीघर मण्डलामा नेपालको संविधान च्यातेर जलाएका छन् ।

संविधान दिवसका दिन सरकारले सैनिक मञ्चमा औपचारिक कार्यक्रम गरिरहँदा माइतीघर मण्डलामा भने वर्तमान संविधान मान्नलायक नरहेको भन्दै आएको समूहले संविधान जलाएको हो ।

दर्जनौँ संख्यामा उपस्थित भएका गणतन्त्रविरोधी समूहका सदस्यहरुले संविधानका साथै वर्तमान सरकारको विरुद्धमा नाराबाजी समेत गरेका थिए ।

भ्रष्टचारी सरकार मुर्दावाद, गणतन्त्र मुर्दावाददेखि ‘असोज ३ कालो दिन’ भन्दै उनीहरुले नराबाजी गरेका थिए ।