✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४६ नेपाल सं. ११४५ कालयुक्तनाम संवत्सर हेमन्त ऋतु वि.सं. २०८१ माघ ४ गते तद्अनुसार सन् २०२५ जनवरी १७ तारिख शुक्रबार माघ कृष्ण पक्षको चतुर्थी तिथि मघा नक्षत्र सौभाग्य योग बब करण आनन्दादिमा काण योग चन्द्रमा सिंह राशिमा भ्रमणशील रहनेछ । काठमाडौंमा सूर्योदय बिहान ६ः५८ मा भयो र सूर्यास्त साँझ १७ः३१ मा हुनेछ । काशीमा बडा गणेश उत्सव ।

आजको राशिफल

मेष – सामाजिक काममा नाम रहने भएपनि मनमा दुबिधा रहनसक्ने दिन छ । नयाँ कामको सुरुवात खासै राम्रो छैन । कार्यमा हैरानी बढ्न् र ब्यापारमा पनि घाटा सहनुपर्ने योग छ । जागिरमा सजकता अपनाउनु हितकर होला । स्वास्थ्यका दृष्टिकोणले भने राम्रो समय छ । मिठो भोजन प्राप्त हुनेछ । प्रेमभाव वृद्धि होला ।

वृष – प्रेम र मित्रताको बन्धन कसिने, वैवाहिक जीवन सुखी हुने दिन छ । विभिन्न सहयोग र उपहार पाइएला । काम बन्नाले मन रमाउने छ । गुरुजनको सहयोग र बुद्धिको उपयोगले लक्ष्य पहिल्याउन सकिएला । सुखद यात्राको योग रहेको छ । पारिवारिक समस्याको समाधान मिल्नेछ । स्वास्थ्य सबल रहला ।

मिथुन – समय शुभदायी छ । दैनिक काम सन्तोषजनक सम्पन्न हुनेछन् भने व्यापार–व्यवसायमा पनि फलिफाप नै हुने योग छ । परोपकारकारका क्षेत्रमा मन आकर्षित हुनेछ । अप्रत्यासित धनलाभको सम्भावना छ । मिष्ठान्न भोजनको अवसर जुर्नुका साथै मित्रजनसँग पनि रमाइलो भेटघाट होला । नसोचेको काम बन्ने देखिन्छ, प्रयास गर्नुहोला ।

कर्कट – मिश्रित फलदायी दिन छ । फजुल खर्च र अनावश्यक विवाद बढ्ने तथा शत्रुजनले सताउन सक्छन्, सावधान रहनुहोला । भौतिक साधनको क्षतिले अनावश्यक धननाश हुनसक्छ । सवारीसाधनको प्रयोगमा आजको दिन विशेष सावधानी अपनाउनु हितकर हुनेछ । मिठो भोजन प्राप्त हुनेछ तर सबल स्वास्थ्यका लागि खानपानमा सजगता अपनाउनु उचित होला । निकट मित्रजनको सहयोग प्राप्त हुनेछ । रसरागमा आकर्षण बढ्ने देखिन्छ ।

सिंह – प्रयत्न गरेका काम ढिलै भए पनि सफल हुने दिन छ । प्रतिभा देखाएर धेरैको मन जित्न सकिएला । धनजन वृद्धि हुने र आफ्नो पक्षमा समर्थन जुट्ने योग छ । विशिष्टजनसँग भेटघाट हुन सक्छ । महत्वपूर्ण कामका साथै अप्ठ्यारोमा साथ दिनेहरू भेटिनेछन् । मनोरञ्जनात्मक क्रियाकलापमा आकर्षण बढ्नेछ । साहसिक कामप्रति विशेष लगाव बढ्ने देखिन्छ ।

कन्या – कामको सफलताले थप काम गर्ने हौसला मिल्ने समय छ । पुराना तथा अधुरा रहेका कामहरु सम्पन्न हुनसक्छन् । सुखदायी यात्रा र आयआर्जनको योग छ । नया साथीसँग चिनजान होला । डुबेको धन प्राप्त हुनसक्ने सम्भावना प्रवल छ । साथीभाइको सहयोग प्राप्त होला । पराक्रम वृद्धिले जस्तोसुकै समस्यामा समाधान मिल्नेछ ।

तुला – सुखदानुभूतिले पछ्याइरहने दिन छ । नयाँ काम प्राप्तिका साथै धन कमाउने अवसर जुर्ला । कृषिको कामबाट विशेष लाभ हुने देखिन्छ । मनोरञ्जनात्मक यात्रा हुनसक्छ । आजको दिन लेनदेनको काम भने नगर्नु नै उचित हुनेछ । घरमा पाहुना आगमन हुनसक्छ जसले मनमा आनन्द दिलाउला । आयबल र यशवर्चश्व बढ्नेछ ।

वृश्चिक – आजको दिन सानातिना काममा महत्वपूर्ण समय बित्नसक्छ । सहयोगीहरूको साथ दिए पनि काम पूरा नहुन सक्छ । व्यर्थको खर्च होला । स्वास्थ्यमा पनि गडबडीको सम्भावना रहेकोले खानपानमा विशेष सजक रहनु उचित होला । धनको नाश साथै प्रेममा पनि धोका हुने योग छ । धैर्यको जरुरत छ । चुनौतीका बाबजुद पराक्रम झल्कने कार्यमा आकर्षण रहला । योजना र बजेट बनाएर मात्र कार्य गर्नु बेस होला ।

धनु – मन दुविधाग्रस्त रहनसक्ने समय भएकोले संयमताको जरुरत छ । ठूलो सहयोगको आशा देखाउनेहरूले आज धोका दिन सक्छन्, सचेत रहनुहोस् । रोकिएको कुनै विशेष काम भने बन्ने योग छ । स्वास्थ्य केही कमजोर रहनसक्ने समयका बारण आहारविहारमा विशेष सतर्क रहनु हितकर हुनेछ । बौद्धिक र रचनात्मक काम बन्नेछ ।

मकर – धन आर्जनका नयाँ बाटा खुल्ने समय छ । खर्च भन्दा कमाई नै बढी होला । कृषिक्षेत्रमा भने अलिक बढी परिश्रम र लगानी गर्नुपर्ला । परिवारजनका इच्छा पूरा गर्न सकिनेछ । पढाइमा सफलता पाउने तथा धर्ममा रुचि बढ्ने देखिन्छ । मातापिता एवम् विशिष्ट ब्यक्तित्वसंगको भेटघाटले मनमा हर्ष छाउला । सभा-समारोहमा सम्मान प्राप्त हुने योग छ । पराक्रम बढ्नेछ । समस्याको समाधान प्राप्त हुनेछ ।

कुम्भ – काममा सोचेजस्तै सफलता मिल्नुका साथै उन्नति गर्ने अवसर प्राप्त हुने दिन छ । मन हर्षित रहला । महत्वपूर्ण कामहरु सजिलैसंग बन्नेछन् । कामेच्छा पनि वृद्धि हुने देखिन्छ । विपरितलिङ्गीको सहयोग प्राप्त भइ मन हर्षित हुने योग छ । नियमित कर्ममा जांगर थपिएला । धनलाभ र पारिवारिक सुखको योग छ । पढाइलेखाइमा प्रगति होला । दामपत्यसुख बढ्नेछ ।

मीन – चुनौतीयुक्त दिन छ । अनावश्यक वादविवादको सामना गर्नुपर्ने अवस्था निम्तनसक्छ, बोली र व्यवहारमा संयमता अपनाउनु उचित होला । पेशागत रुपमा पनि समस्या देखिन सक्छ । घरपरिवारमा केही मनमुटाव होला । शारीरिक प्रतिस्पर्धाका कामतिर मन जानेछ, तर सफलता प्राप्तिमा भने जोडबल धेरै नै लाग्ने देखिन्छ । छन विश्वास गरेकाले धोका दिन सक्छन् । काममा अवरोध सिर्जना गर्नेहरु सकृय हुनाले मन उदास रहन सक्छ । मन शान्त राख्ने प्रयास गर्नु हितकर हुनेछ ।