✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४६ नेपाल सं. ११४५ कालयुक्तनाम संवत्सर शिशिर ऋतु वि.सं. २०८१ माघ ९ गते तद्अनुसार सन् २०२५ जनवरी २२ तारिख बुधबार माघ कृष्ण पक्षको अष्टमी तिथि चित्रा नक्षत्र स्वाती नक्षत्र शूल योग तैतिल करण आनन्दादिमा धूम्र योग चन्द्रमा तुला राशिमा भ्रमणशील रहनेछ । काठमाडौंमा सूर्योदय बिहान ६ः५७ मा भयो र सूर्यास्त साँझ १७ः३५ मा हुनेछ । गोरखकाली पूजा ।

आजको राशिफल

मेष – आजको दिन कुनै नयाँ कामको थालनी गर्नुभए राम्रो हुनेछ । सन्तान पक्षबाट सुखको अनुभुति होला । परिवारमा भने आर्थिक समस्याले सताउने देखिन्छ । नियमित काममा मना जाला । धनलाभको योग छ । प्रेमभावका साथै दाम्पत्यसुख बढ्नेछ । मिठो भोजन प्राप्त होला । यात्रा सफल रहनेछ । आमोदप्रमोदको भाव जागृत हुनेछ ।

वृष – मिश्रित फलदायी दिन छ । अनावश्यक रुपमा डरको भाव पैदा हुनसक्छ । कसैसँग हल्का मनमुटाव पनि होला । विचार बढ्ने तथा समयमा निर्णय नहुदा काममा अवरोध आउने सम्भावना छ । स्वास्थ्यमा अचानक गडबडी आउने सम्भावना रहेकोले होसियारी अपनाउनुहोला । पारिवारिक समस्याको समाधान मिल्नेछ । आफन्तको साथले उत्साह बढ्नेछ ।

मिथुन – अरूलाई प्रभावित पारेर काम बनाउने समय छ । कसैबाट आदर पाइएला । जागिरमा भने खासै मन नजाला । धन मान पाउने योग छ । नोकरी तथा राजनीतिमा बर्चस्व बढाउन सकिनेछ । विशिष्ट व्यक्तित्वहरूसँग मित्रता बढ्ला । प्रेमभाव बढ्नेछ । मिठो भोजन प्राप्त हुनेछ । पराक्रम, बौद्धिकता र रचनात्मकता बढ्नेछ । शत्रुपक्ष परास्त हुनेछ ।

कर्कट – ब्यस्तता बढेपनि सोचेका काम पूरा भइ सुखको अनुभव हुने समय छ । रुपैयाँपैसाको पनि कारोबार राम्रै होला । परिवारजनको साथले नयाँ आशा पलाउने छ । दाम्पत्यसुखमा रमाइएला । परोपकार र धार्मिक क्षेत्रमा लगानी गरेमा राम्रो प्रतिफल प्राप्त हुनेछ । कृषिकार्यबाट पनि फाइदा लिन सकिन्छ । मिठो भोजन प्राप्त हुनेछ । रसरागमा आकर्षण बढ्नेछ ।

सिंह – आजको दिन नसोचेको ठाउँबाट आकस्मिक लाभ हुन सक्छ, तर पनि परिवारमा भने सामान्य विवाद होला । कतै निम्तोमा सहभागी हुने सम्भावना छ । अतिथिका रूपमा सम्मान पाइएला । आहारविहारमा विशेष सतर्क रहनु हितकर हुनेछ । विभिन्न उपहार पाइनुका साथै आयआर्जन पनि राम्रै हुने योग छ । कलात्मक काममा सफलता मिल्नेछ ।

कन्या – आजको दिन केही बाध्यात्मक परिस्थितिसँग सम्झौता गर्नुपर्ला । अल्छीपनले सताउला, तर कार्यगति बढ्नेछ । यात्रागत कार्यमा सफलता मिल्नेछ । साथीभाइको सहयोग प्राप्त हुनाले पराक्रम बढ्ला । सबल स्वास्थ्यका लागि विशेष सावधानी अपनाउनु उचित हुनेछ । रसरागको भाव जागृत होला । आफन्तको साथ प्राप्त हुनेछ ।

तुला – आजको दिन परिश्रमअनुसार उपलब्धि राम्रै पाइएला । रोकिएका काम फेरि सुरु हुन सक्छन् । बुद्घिको सही प्रयोग भइ चिताएका काममा सफलता पाइने योग छ । परिवारजनका आकांक्षा पूरा गर्न सकिनेछ । आज कसैबाट समर्थन एवम् धन पाइने सम्भावना छ । आरोग्यबल बढ्नेछ । मिठो भोजन प्राप्त हुनेछ । साहसिक काममा आकर्षण बढ्नेछ ।

वृश्चिक – आजको दिन चिताएको काममा सफलता पाइनेछ । रमणीय र सुखद यात्राको योग छ । पुराना साथीसंगीसँगको भेटघाटले मन रमाउने छ । परिवारबाट सुखको अनुभुति पनि मिल्ला । धनलाभ हुने योग छ । रोकिएको काम मिहिनेतले बन्नेछ । सामथ्र्य वृद्धि होला । आर्थिक क्रियाकलापमा कसैबाट समर्थन पाइएला ।

धनु – समाजिक सम्मान पाउने समय छ । अनौठो तरिकाबाट रुपैयाँपैसा कमाइने देखिन्छ । आज रमाइलो यात्राको योग पनि रहेको छ । आयबल बढ्नेछ । मिठो भोजन प्राप्त होला । बौद्धिक र रचनात्मक काम बन्नेछ । गीतसंगीत र रसरागात्मक काममा आकर्षण रहला । योजना र बजेट बनाइ कार्य गर्नु बेस होला । ऋण रोग र शत्रुलाई जीत्ने क्षमता वृद्धि हुनेछ । हाँसखेल, भ्रमण र मनोरञ्जनका क्रममा दिन बित्ने देखिन्छ ।

मकर – दिन खासै उत्साहजनक नरहने देखिन्छ । आर्थिक पक्षका क्रियाकलाप सुखद परिणामदायी सावित हुन मुस्किल पर्ने देखिन्छ । बेकामको क्षेत्रमा पैसा खर्च हुनेछ, सावधान रहनुहोला । सामान्य रोगले सताउने योग छ । भौतिक सरसामनको क्षति हुने योग छ । कर्मबल बढेपनि खर्च वृद्धिका साथै आर्थिक अभाव देखापर्न सक्छ । अप्ठ्यारो अवस्थामा भने नियमकानूनले साथ दिनेछ ।

कुम्भ – बन्दैन भनेको काम पनि तपाइको अथक प्रयासमा बन्ने दिन छ, आफन्तको सहयोग पनि प्राप्त होला । बिहानीपख सुखको अनुभव होला तर बेलुकी काम गर्नमा मन नलाग्न पनि सक्छ । नसोचेको आफन्तसँग भेटघाट हुनाले मन प्रफुल्ल हुनेछ । भाग्यबलका साथै सामर्थ्य बढ्नेछ । बौद्धिक र रचनात्मक कार्य पनि बन्नेछ ।

मीन – नचिताएको टाउबाट आम्दानी हुने दिन छ । आम्दानीका प्रशस्तै बाटाहरु खुल्न सक्छन् । आजको दिन पैसा कमाउने योग रहेकोले आर्थिक क्रियाकलापमा विशेष जोड दिएर लागिपर्नु उचित हुनेछ । ब्यापार ब्यवसायमा राम्रै आम्दानी होला । आवश्यक र उपलब्धिमूलक रमाइलो यात्रा हुन सक्छ । आफन्तको साथ मिल्नेछ । सकारात्मक र व्यवहारिक सोचको विकास हुनेछ । कुनैपनि समस्याको समाधान मिल्नेछ ।