विश्वबिख्यात गायिका बियोन्सेले आफ्नो संस्कृति-हल्लाउने ‘काउब्वाइ कार्टर’का लागि वर्षको सर्वश्रेष्ठ कन्ट्री एल्बमको ग्रामी जितेकी छन् । यो एल्बमले लामो समयदेखि अश्वेत कलाकारहरूलाई किनारा लगाएको आरोप लागेको न्यासभिल-केन्द्रित उद्योगको आलोचना गरेको छ । ग्रामी इतिहासमा सबैभन्दा सम्मानित कलाकार बियोन्सेका लागि यो आइतबार रातको दोस्रो पुरस्कार हो । लस एन्जलसमा आयोजित प्रमुख सङ्गीत पुरस्कार समारोहमा अझै चार अवसर बाँकी छन्, जसमा उत्कृष्ट एल्बम र रेकर्ड पुरस्कारहरू समावेश छन् जुन उनलाई अहिलेसम्म प्राप्त भएको छैन ।

र्‍यापर केन्ड्रिक लमार र पप गायिका चार्ली एक्सएक्सले प्रि-शोमा तीन/तीन पुरस्कार जितेकी छन् । कार्यक्रममा दर्जनौँ सुनौला ग्रामोफोनहरू वितरण गरिएको थियो ।

‘मैले वास्तवमै यसको अपेक्षा गरेको थिइनँ”, स्पष्ट रूपमा कम्पित आवाजमा बियोन्सेले मञ्चमा भनिन्, ‘कहिलेकाहीँ शैली भनेको हामी कलाकारहरूलाई हाम्रो स्थानमा राख्ने कोड शब्द हो । म मान्छेहरूलाई उनीहरू जे कुरामा जोशिलो छन् त्यो गर्न र दृढ रहन प्रोत्साहित गर्न चाहन्छु ।’ ए-लिस्टरहरूले भरिएको भीडलाई वियोन्सेले यसो भनिरहँदा उनका श्रीमान् जे–जेड र छोरी ब्लू आइभीले दर्शकदीर्घाबाट ताली बजाइरहेका थिए । ‘म अझै पनि आश्चर्यमा छु, यो सम्मानका लागि धेरै धन्यवाद’, उनले भनिन् ।

च्यापेल रोनको उद्योगलाई कठोर पाठ

सर्वश्रेष्ठ नयाँ कलाकारका लागि प्रतिष्ठित पुरस्कार च्यापेल रोनलाई गयो । उनले मिडवेस्टर्न कलाकारको उल्कामय वर्ष पूरा गरेकी छन् र उनी सङ्घर्षरत गायिकाबाट एकैरातमा सङ्गीतको आइट गर्ल बन्न पुगिन् । कोभिड महामारीको समयमा आफूले कसरी काम खोज्न सङ्घर्ष गर्नुपरेको थियो भन्ने भनुभव उनले मञ्चमा सेयर गरिन् ।

‘मैले आफैँलाई भनेकी थिएँ कि यदि मैले कहिल्यै ग्रामी जितेँ र सङ्गीतका सबैभन्दा शक्तिशाली मान्छेहरूको अगाडि यहाँ उभिन पाएँ भने म कलाकारहरूबाट लाखौँ डलर कमाउने लेबल र उद्योगलाई जीवनयापनयोग्य ज्याला र स्वास्थ्यसेवा प्रदान गर्न माग गर्नेछु, विशेषगरी विकासशील कलाकारहरूलाई, मेरो कलाप्रति यति प्रतिबद्ध महसुस गर्नु र प्रणालीद्वारा विश्वासघात र अमानवीय महसुस गर्नु विनाशकारी थियो, लेबलहरू, हामीसँग तपाईंहरू छन्, तर के तपाईंहरूसँग हामी छौँ ?’, उनले भनिन् ।

गत वर्षकी विजेता भिक्टोरिया मोनेटले डोची, बेन्सन बुन, टेडी स्विम्स, शाबोजी र राय लगायत रोनका केही साथी मनोनीतहरूबाट रोमाञ्चक मेडलीपछि त्यो ट्रफी प्रस्तुत गरिन् ।

सब्रिना कार्पेन्टरले उत्कृष्ट पप भोकल एल्बमको पुरस्कार जितिन् । यो उनको मनोनीत हिटहरू ‘एस्प्रेसो’ र ‘प्लिज प्लिज प्लिज’ को पुरानो हलिउड-प्रेरित प्रदर्शनको स्ल्यापस्टिकपछिको रातको दोस्रो पुरस्कार हो ।

यसैबीच डोएचीले सर्वश्रेष्ठ ऱ्याप एल्बमको पुरस्कार स्वीकार गर्दा भावुक भाषण दिइन् । यो पुरस्कार जितेकी कार्डी बीले पनि उनलाई पुरस्कार दिँदा आँसु थाम्न सकिनन् ।

‘धेरै अश्वेत महिलाहरू जो अहिले मलाई हेरिरहनुभएको छ – म तपाईंलाई भन्न चाहन्छु, तपाईं यो गर्न सक्नुहुन्छ, कसैलाई पनि तपाईंमाथि कुनै रूढीवादी विचार प्रक्षेपण गर्न नदिनुहोस् जसले तपाईंलाई भन्छ कि तपाईं यहाँ हुन सक्नुहुन्न, कि तपाईं धेरै कालो हुनुहुन्छ वा तपाईं पर्याप्त बुद्धिमान हुनुहुन्न, वा तपाईं धेरै नाटकीय हुनुहुन्छ वा तपाईं धेरै ठूलो स्वर भएको हुनुहुन्छ । तपाईं ठीक त्यही हुनुहुन्छ जो तपाईं हुनुपर्छ’, उनको सुझाव थियो ।

आइतबारको समारोह लस एन्जलस शहरको सम्मानमा पनि थियो । यो मनोरञ्जनको एक विश्वव्यापी राजधानी हो र यो शहर हालै विनाशकारी र घातक डढेलोबाट प्रभावित भएको छ ।

यो रात प्रि-ग्रामी कार्यक्रम र प्रमुख लाभ कन्सर्टको धेरै भाग जस्तै आगलागीबाट प्रभावित सङ्गीत उद्योगका सदस्यहरूका लागि कोष सङ्कलनको रूपमा पनि काम गर्‍यो। सिबिएसमा प्रसारित गरिएको समारोहभरि चन्दा सङ्कलनको लागि क्यूआर कोड प्रदर्शित गरिएको थियो ।

सेरिल क्रो र जोन लिजेन्ड लगायत सुपरग्रुपले कार्यक्रम सुरु गर्न रेन्डी न्युम्यानको ट्र्याक ‘आई लभ एलए’को प्रस्तुति दियो ।