दक्षिण कोरियाको दक्षिणी बन्दरगाह शहर बुसानस्थित एक होटलमा शुक्रबार (२ फागुन)भएको आगलागीमा चार जनाको मृत्यु भएको छ भने अन्य चार जना घाइते भएका छन् । त्यहाँको राष्ट्रिय दमकल निकायले जनाएअनुसार बन्यान ट्री होटलको निर्माणस्थलमा बिहान ११ः०० बजे (०२०० जिएमटी) अघि आगलागी सुरु भएको थियो ।

राष्ट्रिय दमकल निकायका एक अधिकारीले घटनास्थलमा करिब १० जना कामदार रहेका, तीमध्ये ६ जनाले ‘हृदयाघात’को अनुभव गरेका र चार जनाको मृत्यु भएको पुष्टि भएको जनाएका छन् । अन्य चार जना घाइते भएको र आगो पूर्ण रूपमा नियन्त्रणमा आइनसकेको बताइएको छ ।

दक्षिण कोरियाका कार्यवाहक राष्ट्रपति चोई साङ-मोकले सम्बन्धित मन्त्रालयहरूलाई ‘आगो निभाउनका लागि सबै उपलब्ध कर्मचारी र उपकरणहरू पूर्ण रूपमा परिचालन गर्न’ आदेश दिएका छन् ।

यो घटना एयर बुसानको विमानमा गिम्हे अन्तर्राष्ट्रिय विमानस्थलमा आगो लागेको केही हप्तापछि भएको हो । उक्त आगलागीमा १७६ जनाले विमान छोड्नुपरेको थियो र सात जना घाइते भएका थिए ।