✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४६ नेपाल सं. ११४५ कालयुक्तनाम संवत्सर शिशिर ऋतु वि.सं. २०८१ फाल्गुण ६ गते तद्अनुसार सन् २०२५ फरवरी १८ तारिख मंगलबार फाल्गुन कृष्ण पक्षको षष्ठी तिथि स्वाती नक्षत्र गण्ड योग गर करण आनन्दादिमा ध्वज योग चन्द्रमा तुला राशिमा भ्रमणशील रहनेछ । काठमाडौंमा सूर्योदय बिहान ६ः४१ मा भयो र सूर्यास्त साँझ १७ः५६ मा हुनेछ ।

आजको राशिफल

मेष – दिन शुभदायी छ । रोकिएका काम बनी, नयाँ काम सुरु हुनेछन् भने सामाजिक प्रतिष्ठा पाइनेछ । उच्च महत्वाकांक्षाले गर्दा सोचेको काम पूर्ण रुपमा सम्पादन हुनेछन् । शत्रु परास्त हुनेछ । प्रेम र मित्रताको बन्धन कसिने समय छ । प्रेमभावका साथै दाम्पत्यसुख बढ्ला । अनुकूलता वृद्धि हुनेछ । रोकिएको काममा सफलता मिल्नेछ । इष्टमित्रको सहयोग प्राप्त हुनेछ । आमोदप्रमोदमै दिन बित्ने योग छ ।

वृष – मिश्रित फलदायी दिन छ । मेहनतले जीवनशैलीमा परिवर्तन ल्याउनसक्ने समय भएपनि परिवारजनमा केही असमझदारी बढ्न सक्छ, सावधान रहनु होला । राजनीतिक पहुँच वृद्धि भइ रोकिएका काम अघि बढ्ने सङ्केत मिल्नेछ । भूमिलगायत स्थायी सम्पत्तिको विषयमा केही विवाद निम्तन सक्छ । आत्मविश्वासका कारण महत्वपूर्ण योजनामा ठोस निर्णय लिन सकिनेछ । रचनात्मक एवम् यात्रापरक कार्य सार्थक बन्नेछन् ।

मिथुन – चुनौतीयुक्त समय छ । काममा आफन्तको सहयोग जुट्न सक्छ तर स्वास्थ्य केही कमजोर रहने देखिन्छ । आफ्नै कमजोरीले हातमा आएको अवसर गुम्न सक्छ । मान–सम्मानमा चोट पुग्ने सम्भावना छ । आजको दिन विशेष पदमा बसेका वा राजनीतिक व्यक्तित्वबाट धोका हुन सक्ने योग रहेकोले सजगताका साथ व्यवहार गर्नुहोला । आम्दानीमा कमी हुनेछैन तर आर्थिक अभावले सताउन सक्छ । बौद्धिकता तथा रचनात्मकता बढ्नेछ । प्रतिष्पर्धी कमजोर बन्नेछन् ।

कर्कट – प्रतिस्पर्धीहरूलाई पछि पार्न सकिने समय छ । व्यवसाय र उद्योगधन्दामा राम्रो फाइदा मिल्ने देखिन्छ । सुखद समाचारले काममा उत्साह जगाउला । पढाइ, लेखन, संगीत र कलामा रुचि बढ्नुका साथै प्रतिभाको उचित कदर हुने योग छ । आत्मीय जनसँग भेटघाट र विशेष उपहार हातलागी हुनसक्छ । नियमकानूनले साथ दिनाले सहजताका साथ दायित्व निर्वाह गर्नुहुनेछ ।

सिंह – भूमिबाट प्रशस्त फाइदा मिल्ने समय छ । साथीभाइ र बन्धुबान्धवको सहयोग जुट्नाले अप्ठ्यारा काम पनि सहजै सम्पादन हुनेछन् । विपरीत लिंगीहरूको माध्यमबाट बढी लाभ होला । प्रेम र मित्रताको बन्धन कसिने देखिन्छ । व्यापार–व्यवसायमा पनि राम्रै फाइदा होला । इष्टमित्र वा बन्धुबान्धवबाट विशेष सहयोग प्राप्त हुने योग छ । आरोग्यबल बढ्नेछ । पारिवारिक सुख बढ्नेछ ।

कन्या – सबल स्वास्थ्यका लागि खानपान एवम् अन्य विधि-व्यवहारमा विशेष सजगता अपनाउनुपर्ने समय छ । पतिपत्नीबीच असमझदारी बढ्ने सम्भावना छ । बोली र व्यवहारमा लचकता दर्शाउनु हितकर हुनेछ । चिताएको काममा ढिलासुस्ती हुने देखिन्छ । अस्वस्थताकै कारण राजनीतिक तथा सामाजिक प्रभाव कमजोर बन्ने देखिन्छ । मातृ–स्वास्थ्यस्थितिप्रति पनि चिन्ता बढ्न सक्छ । ठगीमा परिने सम्भावना छ, सतर्क रहनुहोला । यात्रागत कार्य अघिबढाउन सकिनेछ ।

तुला – लामो समयदेखि गरिएको लगानी र श्रमबाट कममात्र प्रतिफल मिल्ने देखिन्छ । व्यक्तिगत स्वास्थ्य सबल रहेपनि जीवनसाथीको स्वास्थ्यगत समस्याले पीडा दिने ग्रहयोग छ । दाजुभाइ तथा दिदीबहिनीमा केही असमझदारी बढ्ने सम्भावना छ, व्यवहारमा सरलता अपनाएर असमझदारीको बाधा मेटाउन सकिनेछ । आजको दिन समाजले बहिष्कार गरेका वा खराब आचरण भएकाहरूसँग नजिकिनुपर्ला, सावधान रहनुहोला ।

वृश्चिक – राजनीतिक पहुँच बढ्ने तथा लामो समयदेखि रोकिएका काम सम्पादन गर्ने समय छ । नयाँ उद्योग वा विशेष काम सुरु गर्ने मौका जुर्ला । आर्थिक समस्या पनि समाधान हुनेछ । शत्रुहरूलाई परास्त गर्ने सामर्थ्य वृद्धि हुनेछ । तथापि, परिवारजनमा असमझदारी र मित्रजनसँग वैरभाव बढ्नसक्ने योग रहेकोले बोली र व्यवहारमा विशेष सतर्कता अपनाउनु हितकर होला । सुख–सुविधाको बस्तु खरिदमा खर्च बढ्न सक्छ । योजना र बजेट बनाइ कार्य गर्नु बेस होला ।

धनु – आजको दिन विभिन्न अवसरले पछ्याउनेछन् । मुद्दामामिला वा कामका विविध झमेलाहरूबाट पनि केही समयलाई मुक्ति मिल्नेछ । ऋण रोग र शत्रुलाई जित्ने क्षमतामा वृद्धि होला । अध्ययन-अध्यापन तथा लेखन कार्यमा जाँगर बढ्नेछ । सन्तानपक्षबाट पनि प्रसन्नता मिल्नेछ । सुखद यात्राको सम्भावना पनि रहेको छ । यात्रा र सवारी साधन उपयोग गर्दा भने विशेष सावधानी अपनाउनुपर्ने समय छ । आय र आरोग्यबल बढ्नेछ । रसरागमा आकर्षण रहला ।

मकर – घरेलु समस्याले महत्वपूर्ण काममा बाधा पुग्न सक्ने समय छ । घरखर्च बढ्नुका साथै व्यापारमा केही मन्दी आउने देखिन्छ । घर-जग्गा वा स्थायी सम्पत्तिमा विवाद आउनसक्ने योग छ । तापनि, प्रतिष्ठित व्यक्तितवसँग मित्रता बढ्नेछ । स्वास्थ्य केही प्रतिकुल रहेपनि कर्मबल बढ्नेछ । बहुमूल्य धातु संग्रह गरिएला । यात्रागत कार्यमा सफलता मिल्नेछ ।

कुम्भ – मिश्रित फलदायी समय छ । लामो समयदेखि रोकिएका काम सम्पादन गर्न सकिएला । आर्थिक समस्या समाधान हुनेछ तर पारिवारिक सम्बन्ध अलिक कमजोर बन्न सक्छ । आफन्तबाट टाढिनुपर्ने योग छ । घर खर्च बढ्नुका साथै व्यापारमा मन्दी आउला । तपाईंका कमी-कमजोरीप्रति आफन्तजनले टिप्पणी गर्न सक्छन् । तर, बोली र ब्यक्तित्वको प्रभाव बढ्नेछ ।

मीन – विभिन्न अवसरले पछ्याउन सक्छन् । मुद्दामामिला तथा कामका विविध झमेलाहरूबाट मुक्ति मिल्ने समय छ । स्वास्थ्य सबल रहनाले पराक्रम बढ्नेछ भने धनलाभ पनि हुन सक्छ । आफ्नो वर्गको नेतृत्व गर्दै प्रतिष्ठित काम सम्पादनको अवसर जुट्ने देखिन्छ । कीर्तिमानी काम सम्पादन गर्न सकिनेछ । सुख आनन्द बढ्ला ।