भारतको उडिसास्थित कालिङ्गा इन्स्टिच्युट अफ इन्डस्ट्रियल टेक्नोलोजी (किट)मा अध्ययनरत २० जना विद्यार्थी काँकरभिट्टा नाका हुँदै नेपाल फर्किएका छन् ।

गत फागुन ६ गतेदेखि सो नाका हुँदै शनिबार (१० फागुन) बिहानसम्म २० जना विद्यार्थी नेपाल फर्किएको जानकारी दिँदै जिल्ला प्रहरी कार्यालय झापाका निमित्त प्रवक्ता प्रहरी निरीक्षक विजय चौहानले भने, ‘दैनिक एक दुई जना फर्किरहेका छन्, आउनेक्रम जारी छ, आएका विद्यार्थीहरु आफ्नो गन्तव्यतर्फ लागिसकेका छन् ।’

काँकरभिट्टा नाका हुँदै कास्की पोखरा-८ का २० वर्षीय सुलभ पौडेल, २० वर्षीय आयुश अधिकारी, काठमाडौं-१० का २१ वर्षीय समिम पौडेल, ललितपुर महालक्ष्मी-४ का २० वर्षीय आकाश साह, काठमाडौं-१३ का २० वर्षीय पुयुश साह र काठमाडौं गोकर्णेश्वर–७ का २० वर्षीय विकेश श्रेष्ठ रहनुभएको छ ।

त्यस्तै, सप्तरीको राजविराज-२ की २० वर्षीया आरती रोही, २१ वर्षीया सालिमी दास, २० वर्षीय रिसक सिंह, २० वर्षीय आयुस राज, २० वर्षीय प्रजित यादव, २० वर्षीय राकेस साह, २१ वर्षीय क्रिस दास, २० वर्षीय नवीन मण्डल रहेका छन् ।

यसैगरी सुनसरी इनरुवा-१ का २१ वर्षीय ओमप्रसाद पोदार, मोरङ विराटनगर-१२ का २१ वर्षीय आदित्य मिश्र, सप्तरी भारदह-२ का २२ वर्षीय केशव गोहिबार, काठामाडौँ इचम्भु-१ का २३ वर्षीय शुभम् केसी, मकवानपुर हेटौँडा-२ का २३ वर्षीय रिसभ झा र महोत्तरको जलेश्वर-१२ का १८ वर्षीया आरुसी सिंह रहेको जिल्ला प्रहरी कार्यालय झापाले जनाएको छ ।