नेपाल कम्युनिष्ट पार्टी (एमाले)ले बागमती प्रदेश सरकारमा प्रमुख सत्तासाझेदार दल नेपाली कांग्रेसको संस्थापन पक्षलाई समर्थन दिने जनाएको छ ।

नेकपा एमाले बागमती प्रदेशको संसदीय दलको निर्णय सार्वजनिक गर्दै दलका नेता जगन्नाथ थपलियाले सो जानकारी गराएका हुन् ।

नेपाली कांग्रेसको व्यक्ति नभएर दलसँग सत्तासाझेदारी गरिएको बताउँदै थपलियाले ‘संस्थापन’ बनेर जो आउँछन् उनैलाई ‘समर्थन’ गर्ने बताए । उनले नेपाली कांग्रेसको आन्तरिक समस्याका कारण सरकारमा समस्या आउन नदिन नेकपा एमाले सजग रहेको धारणा पनि राखे ।

नेपाली कांग्रेस संसदीय दलको नेताको हैसियत गुमाएका बागमती प्रदेशका मुख्यमन्त्री बहादुरसिंह लामाले गर्न लागेको मन्त्रिमण्डल बिस्तारलाई नेकपा एमालेले रोक्न लगाएको थियो ।