चीनका भावी विदेशमन्त्रीका लागि दावेदार मानिएका एक वरिष्ठ कूटनीतिज्ञलाई चिनियाँ अधिकारीहरूले सोधपुछका लागि हिरासतमा लिएको वाल स्ट्रिट जर्नलले जनाएको छ ।

विदेशी राजनीतिक दलहरूसँगको सम्बन्धको निरीक्षण गर्ने सत्तारूढ कम्युनिस्ट पार्टीअन्तर्गतको विभागका प्रमुख लिउ जियानचाओलाई जुलाईको अन्त्यमा विदेशको कार्य भ्रमणबाट बेइजिङ फर्केपछि हिरासतमा ‘लगिएको’ रिपोर्टमा उल्लेख छ । उनको हिरासतको कारण निर्धारण गर्न नसकिएको जनाइएको छ ।

चिनियाँ विदेश मन्त्रालयले उक्त रिपोर्टको पुष्टि गर्न गरेको अनुरोधको तुरून्त जवाफ नदिएको एएफपीले जनाएको छ ।

एकसठ्ठी वर्षीय लिउले यसअघि फिलिपिन्स र इन्डोनेसियाका लागि राजदूत र विदेश मन्त्रालयका प्रवक्तासहित प्रमुख कूटनीतिक भूमिकामा काम गरिसकेका छन् ।

राष्ट्रपति सी जिनपिङको भ्रष्टाचार विरुद्धको विशिष्ट अभियान कार्यान्वयन गर्ने जिम्मेवारी भएका विभिन्न राष्ट्रिय र क्षेत्रीय निकायहरूको नेतृत्व पनि गरेका छन्. ।

उनको हिरासतले किन गाङपछि चिनियाँ कूटनीतिज्ञको उच्च–स्तरको अनुसन्धानको प्रतिनिधित्व गर्दछ । किनलाई सन् २०२३ मा विवाहेतर सम्बन्धको रिपोर्टपछि विदेशमन्त्रीको पदबाट हटाइएको थियो ।

लिउलाई चिनियाँ कूटनीतिक संसारमा उदीयमान व्यक्तित्वका रूपमा व्यापक रूपमा हेरिएको थियो ।

जुलाईको सुरुमा उनले संयुक्त राज्य अमेरिकाका रक्षामन्त्रीमाथि चीनको सामना गर्न आफ्ना सेनालाई बलियो बनाउन अमेरिकी सहयोगीहरूलाई आग्रह गरेर ‘टकराव र द्वन्द्व उक्साएको’ आरोप लगाएका थिए ।

गत महिनाको अन्त्यमा धेरै अफ्रिकी देशहरू, सिङ्गापुर र अन्यत्र भएका बैठकहरूपछि उनको सबैभन्दा पछिल्लो सार्वजनिक सहभागिता जुलाई २९ मा अल्जेरियामा भएको थियो ।