✍ अनन्तश्री राजगुरु जगतगुरु वीरेन्द्र परमहंश ज्योतिषाचार्य

आजको पञ्चाङ्ग

श्रीशाके १९४७ नेपाल सं. ११४५ सिद्धार्थीनाम संवत्सर शरद ऋतु वि.सं. २०८२ आश्विन २० गते तद्अनुसार सन् २०२५ अक्टोबर ६ तारिक सोमबार आश्विन शुक्ल चतुर्दशी तिथि ११ः२५ पर पूर्णिमा तिथि पूर्वाभाद्रपद ६ः७ पर उत्तराभाद्रपद नक्षत्र वृद्धि योग भद्रा करण आनन्दादिमा मुशल योग चन्द्रमा मीन राशिमा भ्रमणशील रहनेछ । काठमाडौंमा सूर्योदय बिहान ५ः५९ मा भयो र सूर्यास्त साँझ १८ः४३ बजेमा हुनेछ । कोजाग्रत पूर्णिमा व्रत ।

आजको राशिफल

मेष – बौद्धिक रचनात्मक र कलात्मक काममा विशेष सफलता मिल्ने समय भएपनि धार्मिक कार्यमा खासै मन जानेछैन । कसैबाट विश्वासघात हुनसक्ने भएकोले गोपनीयतामा एकदमै सावधान रहनुपर्ला । विदेश बसोबासको प्रयासमा हुनुहुन्छ भने प्रक्रियामा अनुकुलता बढ्नेछ । पति-पत्नीबीचको सम्बन्ध सुमधुर हुनुको साथै छुटेर बसेको भए मिलनको अवस्था सिर्जना हुने योग छ । आरोग्यता, प्रेमभाव र दाम्पत्यसुख बढ्नेछ । रसरागमा आकर्षण रहनेछ । यात्रा सुखद रहला ।

वृष – दिन चुनौतीयुक्त रहने देखिन्छ । विशेष काम रोकिनुका साथै मानसम्मानमा आघात पुग्न सक्छ । मातापिता र सन्तानसँग मतभेद बढ्ने देखिन्छ । पढाइलेखइमा अवरोध आउने योग छ । आजको कुनै निर्णय खराब हुनसक्छ, निर्णय गर्दा अलिक विचार गर्नुपर्ला । लेनदेनमा विवाद बढ्ने सम्भावना छ । विगतको श्रमबाट भने लाभ हुनेछ । कतै रमाइलो यात्रा गर्ने अवसर प्राप्त होला । धर्मकर्ममा आकर्षण बढ्नेछ ।

मिथुन – उद्योग र व्यापारमा विशेष फाइदा हुने समय छ । शत्रु र प्रतिस्पर्धीलाई सजिलै हराउन सकिएला । गरिएका कर्मको उचित प्रतिफल पाइनेछ । विगतको श्रमबाट राम्रै धनलाभ हुने देखिन्छ । बौद्धिक र रचनात्मक काममा विशेष सफलता मिल्नेछ । नयाँ कामहरू पाउने योग छ । आफन्तको साथ मिल्नेछ । आजको दिन चरित्रसम्वन्धी आरोप आउन सक्ने भएकोले विपरीतलिङ्गीबाट टाढा रहनु हितकर हुनेछ ।

कर्कट – शैक्षिक व्यवसाय गर्नेहरुका लागि समय अनुकूल रहनेछ । शैक्षिक उन्नतिका अवसरहरू मिल्नेछन् । वैदेशिक कार्यहरू पनि सुचारु भएर जाने समय छ । उद्योग र व्यापारमा विशेष फाइदाको योग छ । आयस्रोत बढ्नुका साथै मिठो भोजन प्राप्त होला । यात्रागत कार्य सार्थक रहनेछ । विवाहितहरुको दाम्पत्य जीवन सुखमय रहनेछ । सबल स्वास्थ्यका लागि आज खानपानमा विशेष सजग रहनु उचित हुनेछ ।

सिंह – बलभन्दा बुद्धिको काममा जोड दिनुपर्ने समय छ । आय व्ययलाई हेर्दा अवस्था मध्यम रहनेछ । खर्चका बाध्यता धेरै आइपर्ने सम्भावना छ । नगद सहयोग गर्न बन्द गर्नु हितकर होला । विभिन्न उपहार प्राप्त हुने योग छ । सहयोगीहरूले राम्रो साथ दिनेछन् भने रोकिएका काम बन्ने र नयाँ काम सुरु गर्न सकिने छ । जोखिम बढ्नेछ तर राम्रै फाइदा होला । शत्रुपक्ष परास्त हुनेछ । रसरागमा आकर्षण रहनेछ ।

कन्या – बोलीको प्रभावमा अरुलाई विश्वास दिलाउन सफल भइ आफ्नो कार्य अघि बढाउन सकिनेछ । सन्तान वा अनुयायीले प्रशन्नता दिलाउनेछन् । वैदेशिक कार्यहरू अगाडि बढ्नेछन् । तर, खानपानको असावधानीले स्वास्थ्य कमजोर बन्ने सम्भावना छ, सावधानी अपनाउनुहोला । भेटघाटको अलमलले आजको योजना बिग्रन पनि सक्छ, ध्यान राख्नुहोला । यात्रागत कार्यमा सफलता प्राप्त हुनेछ ।

तुला – अरुको विश्वास सजिलै जित्न सकिने समय छ । बौद्धिक कार्यमा तीब्रता आउनुको साथै पुराना समस्या सुल्झाउने अवसर मिल्नेछ । व्यापार तथा उद्योगतर्फ फाइदाको योग छ । तर, हाड जोर्नीको समस्याले सताउने देखिन्छ । धार्मिक कार्यमा खासै रुचि नहोला । खर्च केही वृद्धि हुनेछ । लेखन प्रकाशनसित सम्बन्धित काम सार्थक रहला ।

वृश्चिक – कुनै पनि प्रकारको शारीरिक र आर्थिक विकाससित सम्बन्धित कार्यमा सफलता मिल्ने समय भएपनि आम्दानी सीमित हुनाले आर्थिक कठिनाई आउन सक्छ । निरर्थक यात्रा गर्नुपर्ने, लाभप्रद यात्रा कम हुने, प्रेममा खटपट भइरहने हुनसक्छ । प्रेम प्रसङ्गअघि बढ्दा अध्ययन कार्यमा केही कमी आउन सक्ने देखिन्छ, ध्यान राख्नुहोला । निको भइसकेको रोगले पुन सताउने योग छ । विगतको श्रमबाट भने राम्रै धनलाभ हुने सम्भावना छ । मिठो भोजन प्राप्त हुने दिन छ ।

धनु – मिश्रित फलदायी दिन छ । सन्तान वा अनुयायीले प्रसन्नता दिलाउनेछन् । आम्दानीका अवसरहरू प्राप्त हुनेछन् । आरोग्यबल बढ्नेछ । मिठो भोजन प्राप्त हुने समय छ । साहसिक काममा आकर्षण रहला । स्वास्थ्यसम्बन्धी समस्या बढ्न सक्छ, खानपानमा सजक रहनुहोला । गोपनियतामा निरन्तर कायम रहनु हितकर हुनेछ । भुलेका मित्रहरुले सम्झनेछन्, तर कसैसँग विवाद पनि हुन सक्छ । विद्यार्थीहरुका लागि दिन राम्रो छ ।

मकर – बोलीको भरमा काम बन्ने दिन छ तर जोश-जाँगरले साथ नदिँदा समयमा कार्य सम्पादन नहुन सक्छ । निर्णायक क्षमतामा कमी आउला । पति-पत्नीबीचको सम्बन्ध सुमधुर हुनेछ । व्यापार व्यवसायमा आंशिक सफलता प्राप्त होला । आत्मीय जनसँग असमझदारी वा मनमोटाव बढ्ने योग रहेकोले सजगताको दरकार छ । सुख र दुःखको मिश्रित अनुभूतिका साथ दिन बित्ने देखिन्छ ।

कुम्भ – घरेलु समस्याले सताउने, मित्र र आफन्तहरुले धोका दिने भएकोले मन चिन्तित हुनसक्ने समय छ । पति-पत्नीबीच विवाद बढ्ने देखिन्छ, तर अतिरिक्त प्रेम-प्रसङ्गले सुखदानुभूति गराउनेछ । बोलीको गलत अर्थ लाग्नाले वादविवादको योग छ । सहयोगीहरू टाढिन सक्छन्, ध्यान राख्नुहोला । तपाईंका कमजोरीमाथि टिप्पणी हुनसक्छ । खर्च र ब्यस्तता केही बढ्नेछ ।

मीन – आजको दिन समाजसेवा तथा राजनीतिमा गरेका प्रयासहरू सकारात्मक रहनेछन् । मिष्ठान्न भोजनको अवसर प्राप्त हुन सक्छ । कृषिकार्यमा केही समस्या देखिए पनि राम्रै धन आर्जन हुने समय छ । गीतसंगीत र रसरागात्मक काममा आकर्षण बढ्ला । पराक्रम र सुख बढ्नेछ । तथापि, विशेष योजनाप्रति लगनशील बन्न नसक्दा आफ्नैबाट आलोचनाको शिकार हुने योग छ ।