अमेरिकी राष्ट्रपति डोनल्ड ट्रम्पले सोमबार (२३ मार्च) तेहरानसँग ‘धेरै राम्रो र फलदायी वार्ता’पछि इरानको ऊर्जा पूर्वाधारमा आक्रमण नगर्न आदेश दिइएको जनाएका छन् ।

आफ्नो पूर्व चेतावनीबमोजिम अघि नबढ्न र कारबाही रोक्न अमेरिकी∕इजरायली सेनालाई आदेश दिएको उनको भनाइ छ । वार्ता यो हप्ता जारी रहने बताइएको छ ।

ट्रम्पले सोमबार बिहान आफ्नो ट्रुथ सोशल प्लेटफर्ममा लेखेका छन्, ‘संयुक्त राज्य अमेरिका र इरानबीच मध्य पूर्वमा हाम्रो शत्रुताको पूर्ण समाधानको बारेमा विगत दुई दिनमा धेरै राम्रो र फलदायी कुराकानी भएको छ ।’

उनले थप भनेका छन्, ‘हप्ताभरि जारी रहने यो रचनात्मक वार्ताको प्रतिवद्धतालाई ध्यानमा राख्दै मैले युद्ध विभागलाई इरानको ऊर्जा प्लान्ट र पूर्वाधारमा सबै सैन्य आक्रमणहरू पाँच दिनका लागि स्थगित गर्न निर्देशन दिएको छु । यो निर्णय बैठक र छलफलको सफलतामा निर्भर हुनेछ ।’