बुढेसकालमा छोरा–बुहारीले आफूलाई उचित हेरचाह नगरेकोमा असन्तुष्ट एक चिनियाँ वृद्धले आफूसँग भएको सम्पूर्ण नगद सम्पत्ति (१.४० युआन अर्थात् करिब २० लाख रुपैयाँ) च्यातेर टुक्रा–टुक्रा पारेर चर्चामा आएका छन् । सिचुआन प्रान्तका ८५ वर्षीय चेन नामक ती वृद्धले आफ्ना छोरा–बुहारीबाट निकै आस गरेका रहेछन्, तर उनीप्रति छोराबुहारीको व्यवहार दिनानुदिन नराम्रो हुँदै गएको उनले अनुभूति गरे । अन्तत: उनीहरूलाई सबक सिकाउने ध्येयले चक्कु लिएर बूढाले नोट टुक्र्याउन थालेछन् । सुरुमा छोराबुहारीलाई यसबारे पत्तै भएन, जब थाहा पाए त्यतिबेलासम्ममा पूरै नोट धुजा–धुजा भइसकेको थियो । उनीहरू उक्त च्यातिएका नोटको पोको बोकेर बैंक पुगे । बैंकले च्यातिएका सबै टुक्रालाई यथारूपमा मिलाएर ल्याए रकम फिर्ता गरिदिने आश्वासन दियो । उनीहरूले हरेस खाएनन् । पूरै तीन महिना दिनरात लगाएर च्यातिएका ती नोटलाई जोड्न उनीहरू सफल भए र अन्तत: बैंकले उक्त फाटेको नोटबराबर नगद फिर्ता गरिदियो । यहाँ रोचक कुरा त के रह्यो भने त्यसरी नोट फिर्ता पाएपछि आफ्ना वृद्ध अभिभावकप्रतिको छोराबुहारीको सोच पनि पूरै बदलियो र उनीहरूले सम्मानित व्यवहार गर्न थाले ।