अश्लील चलचित्रमा ‘नायिका’को भूमिका निर्वाह गर्दै आएकी एक युवतीले इन्टरकोर्सको एक दृश्यलाई निर्देशकले पटक–पटक दोहोर्‍याएर सुटिङ गर्न आफूलाई बाध्य तुल्याएको भन्दै उजुरी दिएपछि जापानको पोर्न इन्डस्ट्रीमै कम्पन आएको छ । चर्को विरोधका बाबजुद आफूलाई गर्नै मन नलागेको सेक्स–एक्ट उल्टै दोहोर्‍याई–दोहोर्‍याई सुट गर्न लगाउनुमा निर्माता–निर्देशकको नियत ठीक नरहेको र आफूमाथि यौन दुव्र्यवहार भएको भन्दै ‘नायिका’ले उजुरी दिएकी थिइन् । निर्माता–निर्देशकले चाहिँ युवतीले अनावश्यक नखरा गरेर बार्गेनिङ गर्न खोजेको भन्दै सम्झौतामा उल्लेख भएअनुसार काम नगरेको अभियोगमा उल्टै जरिवाना तिराउन खोजेका थिए । तर, प्रहरीले एउटी महिलालाई क्यामेरासामु घन्टौँ नङ्ग्याएर मानवअधिकारको हनन गरेको भन्दै उनीमाथि कुनै जरिवाना नलाग्ने तर्क गरेको छ । स्मरणीय छ, मोडल बन्ने सपना बोकेका युवतीहरू अश्लील चलचित्रमा काम गर्ने र पछि आफूमाथि ज्यादति भएको भनी उजुरी गर्ने क्रमले जापानमा तीव्रता लिएको छ ।