लेखापढी व्यवसायी (लेखनदास)हरूको हडतालका कारण भक्तपुरस्थित मालपोत कार्यालयबाट हुने दैनिक काम नराम्रोसँग प्रभावित हुन पुगेको छ ।
भक्तपुरको मालपोत कार्यालयमा केन्द्रित रहेर काम गर्ने लेखापढी व्यवसायीहरूले विभिन्न माग राखी गत शुक्रबारदेखि हडताल गरेका छन् ।

कार्यालयको अनलाइन सेवा प्रभावकारी र व्यवस्थित हुनुपर्ने, फाँटमा कर्मचारीहरूको सङ्ख्या पर्याप्त हुनुपर्ने र कित्ताकाटलाई सर्वोच्च अदालतको आदेश अनुसार सूचारु गरिनुपर्ने लगायतका माग उनीहरूले गरेका छन् ।

लेखापढी व्यवसायीहरूको हडतालका कारण अहिले मालपोत कार्यालयको काम ठप्पप्रायः हुन पुगेको छ । पहिले नै लिखत भइसकेका र सेवाग्राही आफैले लिखत तयार गरी ल्याइएका फाइलको मात्र काम हुँदा यतिबेला भक्तपुर मालपोत कार्यालयमा मुस्किलले दश प्रतिशत मात्र काम हुन सकेको छ ।