शेषको निर्णयले भट्टलाई धक्का
गैर आवासीय नेपाली संघ (एनआरएनए) सम्मेलनमा अध्यक्ष पदमा बर्तमान अध्यक्ष शेष घलेले श्रीमती जमुनालाई उठाउने भएका छन । संस्थाको नाममा गरिदै आएको अबैध करोबारलाई निरन्तरता दिनकै लागि यसभन्दा अधि गरिएको सम्झौतालाई लत्याउदै शेष घलेले श्रीमती जमुनालाई अगाडी बढाएपछि अध्यक्षको उम्मेबारी घोषणा गरेका भबन भट्टलाई झड्का लागेको छ ।
अध्यक्षमा भट्ट र जमुना भिड्ने भएका छन् । अक्टोवर १४ देखि १७ तारिखसम्म काठमाडौंमा हुने एनआरएनएको आठौं सम्मेलनमा आगामी कार्यकालका लागि अध्यक्ष पदमा भट्ट र घले भिड्न लागेका हुन् ।
भट्ट अहिले एनआरएनका उपाध्यक्ष हुन् भने घले आईसीसी सदस्य छिन् । यस अघि अध्यक्ष पदमा भट्ट र कुमार पन्त उठ्ने चर्चा भएपनि अहिले घले र भट्ट भिड्न लागेका एनआरएनए सम्बद्ध एक अधिकारीले बताएका छन् । सेप्टेम्बर २४ तारिख अर्थात असोज ८ गते उम्मेदवारी घोषणा गर्ने कार्यक्रम सहित घले परिबार नेपाल आउदै छन् ।
हाल घले चुनावी तालमेलका लागि क्यानडामा रहेका छन् । पन्त अध्यक्षका प्रत्यासी भएपनि घलेसँग कुरा नमिलेपछि भट्टलाई समर्थन गर्ने गरी उपाध्यक्षमा उठ्न लागेको स्रोतले जनाएको छ । जमुना घलेलाई एनआरएनएका दुई कार्यकाल अध्यक्ष भएका उनका श्रीमान् शेष घलेले अघि सारेका हुन् ।
एनआरएनएको उपाध्यक्ष पदमा अध्यक्षका प्रत्यासी भनिएका कुमार पन्त, चिरञ्जिवी थापा र सोनाम लामा उठ्ने भएका छन् । पन्त अहिलेका उपाध्यक्ष तथा जर्मनीका एनआरएन हुने भने थापा जापान र लामा अमेरिकाका एनआरएन हुन् । महासचिवमा बद्री केसीले, त्रिलोक गुरुङ र अर्जुन श्रेष्ठ भिड्ने भएका छन् । केसी अहिले पनि महासचिव नै छ । उनी रसियाका एनआरएन हुन । श्रेष्ठ अहिले संघको सचिव छन् भने उनी उनी वेल्जियमका एनआरएन हुन ।
प्रतिक्रिया