दशैँको अवसरमा प्रहरी प्रधान कार्यालय नक्सालमा ‘विशेष पूजा’ गरिएको छ । प्रहरी अतिरिक्त महानिरीक्षक डा. दिनेशचन्द्र पोखरेलले नेपाल प्रहरीले परम्परागत रुपमा मनाउँदै आएको बडा दशैंका अवसरमा शुक्रबार प्रहरी प्रधान कार्यालय, सशस्त्र प्रहरी गण नम्वर १ नक्सालस्थित मौलोमा पूजाअर्चना तथा सङ्कल्प पूजा गर्नुभयो ।

पूजाअर्चनाको क्रममा प्रहरी अतिरिक्त महानिरीक्षक पोखरेलले पूजा तथा निसानमा पञ्जा छाप समेत लगाउनु भएको थियो ।

सो अवसरमा प्रहरी अतिरिक्त महानिरीक्षकहरु, प्रहरी नायव महानिरीक्षकहरु, वरिष्ठ प्रहरी अधिकृतहरु लगायत उपस्थित प्रहरीकर्मचारीहरुले टीका तथा प्रसाद ग्रहण गरि मौलो परिक्रमा गर्नुका साथै एक आपसमा शुभकामना समेत आदन प्रदान गर्नु भएको थियो ।