तीन दिनभित्र कुन क्षेत्रमा कुन पार्टीको उम्मेदवार भन्ने बारे टुंगो लगाउने वाम गठबन्धनले निर्णय गरेको छ ।
आज सिंहदरबारमा बसेका दुईवटै कार्यदलको बैठकले क्षेत्र निर्धारण कार्यदलले तीन दिनभित्र क्षेत्र टुंगो लगाउने निर्णय गरेको हो ।
बैठकमा नेकपा एमालेका अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहालले प्रदेश सभा र प्रतिनिधि सभा निर्वाचनका लागि उमेदवार चयन र चुनावी घोषणा पत्र निर्माणको काम तत्काल टुंगो लगाउन निर्देशन दिएका थिए ।
प्रदेशसभा र प्रतिनिधिसभा निर्वाचनका लागि वाम गठबन्धनमा आवद्ध सबै राजनीतिक दलको हैसियतअनुसार क्षेत्र तय गर्ने र बाँकी रहेका मध्ये ६० प्रतिशत एमाले र ४० प्रतिशत माओवादी केन्द्रले उम्मेदवारी दिनेछन् ।
प्रत्यक्षतर्फको उम्मेदवार छनोटका लागि गठित कार्यदल र चुनावी घोषणा पत्र मस्यौदा कार्यदलको बिहीबार बसेको संयुक्त बैठकले प्रदेश सभा र प्रतिनिधि सभा निर्वाचनका लागि तीन दिन भित्र उमेदवार चयन गर्न क्षेत्र निर्धारणको काम सन्पन्न गर्ने निर्णय भएको छ ।
बैठकमा चुनावी घोषणा पत्र मस्यौदा निर्माणको काम ७ भित्र सम्पन्न गर्ने सहमति पनि भएको छ । चुनावी तालमेल र पार्टी एकीकरण गर्ने सहमति गरेका ३ दलले प्रत्यक्षतर्फको उमेदवार बनाउँदा एमालेलाई ६० प्रतिशत र माओवादी केन्द्रलाई ४० प्रतिशत दिने सहमति गरिएको छ ।
सोही सहमतिलाई मुख्य आधार बनाएर उमेदवार चयनका लागि क्षेत्र निर्धारण गर्ने सहमति भएको छ ।
बैठकले आर्थिक समृद्धिलाई मुख्य आधार बनाएर चुनावी घोषणा पत्र मस्यौदा तयार पार्ने निर्णय पनि गरेको छ ।
प्रतिक्रिया