कुनै समय माओबादीले ज्यान लिने निर्णय गरेका ब्यक्तिकै घरमा बसेर माओबादी–एमाले ‘एकता’ को निर्णयक वार्तालाप भएको जानकारीमा आएको छ ।

ललितपुर मानभवन स्थित ठेकेदार शारदा अधिकारीको ‘दरबारमा’ बसेर प्रचण्ड र के पी ओलीले निर्णयक वार्ता गरेका हुन ।

को हुन् शारदा अधिकारी ?

नुवाकोट तुप्चेका अधिकारीले द्वन्द्वकालमा माओबादीका नाममा चन्दा उठाएर खाएको आरोपमा माओबादीले निजलाई सफाया गर्ने निर्णय गरेको थियो । कृष्णध्वज खड्का नेतृत्वको कमिटीले गरेको उक्त निर्णय माओबादीकै अर्का नेताको पहलमा निष्कृय पारिएको थियो ।

त्यसबेला जन वर्गिय संगठन र जनपरिचालन प्रमुख रहेका मोहन कार्की जीवन्तले पार्टी निर्णयलाई निष्कृय तुल्याएर शारदा अधिकारीको ज्यान जोगाइदिएका थिए । तर अधिकारीले भने आफूले लुकेर ज्यान जोगाएको ठानेका छन् ।

अधिकारीको यतिबेला सैलुङ नामक कन्स्ट्रक्सन कम्पनी संञ्चालनमा छ । सोही कम्पनीले कंलकी–नागढुंगा सडक मर्मतको जिम्मा समेत लिएको बताइन्छ । अधिकारी गृहमन्त्री जनार्दन शर्मा निकट मानिन्छन् । शक्ति र पैसाको हिसाबमा उनी निकै ‘पावरफुल’ रहेको बुझिन्छ ।

जनयुद्ध ताका चन्दा उठाएर खाने अधिकारीको सुनाकोठी (ललितपुर) मा भव्य बंगला रहेको छ भने सीडीयो कार्यालय ललितपुरसङ्गै उनको निजि दरवार छ, जुन दरवार यतिबेला माओवादी–एमाले ‘एकता’ वार्ता का निम्ति प्रयोग गरिएको थियो ।

स्रोतका अनुसार सो दरबार किष्ट बैंकले लिलाम गरेकोमा अधिकारीले सात करोडमा लिलाम सकारेको भवन हो ।

माओवादीको मुखपत्रका रुपमा कुनै समय संञ्चालित एक पत्रिकाको लगानीकर्ता समेत रहेका अधिकारी प्रचण्डको पैसा तह लगाउने एक मूख्य पात्रका रुपमा पनि चिनिने गरेका छन् ।

समाचार सूत्रहरुका अनुसार अधिकारीको ललितपुरमा मात्रै आधिदर्जन भन्दा बढि घर रहेको छ भने उनको ठेक्कापट्टामा एकाधिार जस्तै रहेको बताइन्छ ।